Saidahror Gʻulomov

Saidahror Saidahmedovich Gʻulomov — 1947-yil 25-iyunda tugʻilgan. Oliy maʼlumotli. Oʻzbekiston Fanlar akademiyasining akademigi, Oʻzbekistonda xizmat koʻrsatgan fan arbobi, iqtisod fanlari doktori, professor.

Saidahror Saidahmedovich Gʻulomov
Tavalludi	25-iyun 1947-yil (1947-06-25) Toshkent, Oʻzbekiston SSR
Fuqaroligi	SSSR va Oʻzbekiston

Biografiyasi

• 1947-yil 25-iyunda Toshkentshahrida tavallud topgan.
• 1964-yilda oʻrta maktabni «a’lo» baholarga tugatdi.
• 1969-yilda Toshkent Xalq xoʻjalik institutining „iqtisodiy informatika“ mutaxassisligi boʻyicha imtiyozli diplom bilan muvaffaqiyatli tamomlagandan soʻng, mazkur institutning «Iqtisodiy kibernetika» kafedrasida tadqiqotchi-shogird lavozimiga ishga qoldirildi.
• 1970—1973 yillarda G. V. Plexanov nomidagi Moskva Xalq xoʻjalik institutining kunduzgi boʻlim aspiranti boʻlib, nomzodlik dissertatsiyasini muvaffaqiyatli himoya qildi.
• 1973—1980 yillarda |Toshkent Xalq xoʻjalik institutining „Iqtisodiy kibernetika“ kafedrasida assistent, katta oʻqituvchi, dotsent lavozimlarida ishladi. V.M.Lomonosov nomidagi Moskva davlat universiteti doktoranti lavozimlarida ishlagan.
• 1981-1998-yillarda Toshkent Xalq xoʻjalik institutining professori, dekani, prorektori, rektori
• 1998-yildan 2004-yilgacha Oʻzbekiston Respublikasi Oliy va oʻrta maxsus taʼlim vaziri;
• 2004-2006 yillarda Toshkent Davlat Iqtisodiyot Universiteti rektori;
• 2006-2011 yillarda Oʻzbekiston Respublikasi Fanlar Akademiyasi ijtimoiy-gumanitar fanlari yoʻnalishi vitse prezidenti; lavozimlarida ishlagan.
• 2006-yildan hozirgi vaqtga qadar Oʻzbekiston xorijiy mamlakatlar bilan doʻstlik va madaniy-maʼrifiy aloqalar jamiyatlari Kengashi jamoatchilik asosida raisi,
• 2010-yildan hozirgi vaqtga qadar esa Toshkent Davlat Iqtisodiyot Universiteti professori (0,5 stavka) boʻlib ishlab kelmoqda.
• 2012-yildan shu kunga qadar Kadrlarni qayta tayyorlash va statistika tadqiqotlari Markazining „Axborot-kommunikatsiya texnologiyalari“ kafedrasi mudiri lavozimiga tayinlangan.