Sara Giménez Giménez
Sara Giménez Giménez (1977-yil 19-yanvar, Huesca shahrida tugʻilgan) – gitano jamoasining jamiyat bilan integratsiyalashuvi yoʻlida kurashi bilan ajralib turadigan ispaniyalik loʻli huquqshunos. Shuningdek, irqiy yoki jinsiy orientatsiyaga asoslangan ozchiliklar duch keladigan tengsizlikka qarshi kurashadi. 2018-yilda Irqchilik va murosasizlikka qarshi Yevropa komissiyasining aʼzosi boʻlgan va Fundación Secretariado Gitano (FSG) kengashiga qoʻshilgan.
| Sara Giménez Giménez | |
|---|---|
.jpg) | |
| Tavalludi |
19-yanvar 1977-yil Huesca, Ispaniya |
| Fuqaroligi |
 Ispaniya |
| Kasbi | advokat |
| Partiyasi | Ciudadanos |
Taʼlimi
tahrirGimenes Zaragoza universitetida huquq fakultetida tahsil olgan[1] va Bask davlat universitetida inson huquqlari boʻyicha aspiranturani tamomlagan. Shuningdek, NNTlarni boshqarish boʻyicha oʻqigan va boshqa mutaxassisliklar qatorida voyaga yetmaganlar, immigratsiya va jinoyat huquqi boʻyicha tadqiqotlar qilgan[2].
Faoliyati
tahrirFSGning Tenglik va diskriminatsiyaga qarshi kurash boʻlimi boshligʻi sifatida sudlar oldida kamsitilganlarni himoya qilishda bevosita huquqiy yordam koʻrsatgan hamda Discriminación y comunidad gitana (Diskriminatsiya va loʻlilar jamoasi) yillik hisobotiga rahbarlik qilgan[3]. Eng eʼtiborga molik ishlardan baʼzilari Barselonadagi ruminiyalik loʻli haqidagi ish (2013-yil dekabr oyida Barselona viloyat sudida uning foydasiga hal qilingan) hamda beva Mariya Luiza Munos „La Nena“ning ishi boʻlib, u ham 2009-yil dekabr oyida Inson huquqlari boʻyicha Yevropa sudida ijobiy natija bilan yakunlangan edi[4].
2018-yil 21-martda irqchilik va murosasizlikka qarshi Yevropa komissiyasi (ECRI)[3] aʼzosi sifatida oʻz ishini boshlagan, komissiya irqchilik va murosasizlikning boshqa shakllariga qarshi qonunlar, siyosiy choralar va chora-tadbirlar boʻyicha ishlarni nazorat qiladi va koʻrib chiqadi. Ushbu lavozimga Ispaniyadan tayinlangan ilk loʻli advokat[1].
2019-yil 13-martda „Ciudadanos“ siyosiy partiyasiga qoʻshilib, Ispaniya siyosatiga kirib keladi. Madrid hamjamiyatida „Ciudadanos“ partiyasining uchinchi raqamli nomzodi sifatida Kongress deputatligiga oʻz nomzodini tasdiqlagan[5].
2019-yilda Vasiylik kengashiga vitse-rezident sifatida qoʻshilganidan soʻng, 2021-yil iyun oyidan boshlab FSG prezidenti lavozimida ishlab kelmoqda[6].
Manbalar
tahrir- ↑ 1,0 1,1 Rodella, Francesco. „Por primera vez una abogada gitana representará a España contra el racismo en el Consejo de Europa“ (es). El País (2018-yil 14-yanvar). Qaraldi: 2023-yil 8-aprel.
- ↑ „Roma lawyer, Sara Giménez, appointed as new Spain member of the European Commission against Racism and Intolerance (ECRI) - Fundación Secretariado Gitano“ (en). www.gitanos.org. Qaraldi: 2023-yil 8-aprel.
- ↑ 3,0 3,1 Aragón, Heraldo de. „La abogada gitana Sara Giménez, nuevo miembro del Comité Europeo contra el Racismo y la Intolerancia“ (es). heraldo.es (2018-yil 12-yanvar). Qaraldi: 2023-yil 8-aprel.
- ↑ Núñez Jaime, Víctor. „Gitanos del siglo XXI“ (es). El País (2013-yil 3-oktyabr). Qaraldi: 2023-yil 8-aprel.
- ↑ "Sara Giménez, número 3 por Cs en la Comunidad de Madrid". La Vanguardia. 13 March 2019 (ispancha)
- ↑ „Sara Giménez (Presidenta) - Fundación Secretariado Gitano“. www.gitanos.org. Qaraldi: 2023-yil 8-aprel.