Sharif

Sharif (arab. — olijanob, aslzoda) — Muhammad (sav) avlodlarining nomiga qoʻshiladigan hurmat soʻzi. Oʻrta asrlardan boshlab 7 shahar; Makka, Madina, Quddus, Bagʻdod, Damashq, Mozori Sharif va Buxoro sh.lari diniy markaz sifatida shuhrat qozongani uchun, ularga "SH." soʻzi qoʻshib aytiladigan boʻlgan. Shuningdek, bir necha atamalarga sifat tarzida qoʻshilgan holda (mas, hadisi Sh., kalomi Sh., mushafi Sh. va h.k.) ham qoʻllaniladi.