Sidi Ali Ennuriy maqbarasi

Sidi Ali Ennuriy maqbarasi (arabcha:زاوية سيدي علي النوري), shuningdek, Al Zaouia Al Nuria (arabcha: الزاوية النورية) nomi bilan ham tanilgan – Sfaks medinasidagi maqbaralardan biri va tasavvuf ilmi ulamolarining yigʻilish joyi.

Sidi Ali Ennuriy masjidi va maqbarasiga kirish

Joylashuvi

Maqbara Madinaning sharqiy qismidagi aristokratlar turar joyida, Sfaks anʼanaviy sanʼat muzeyi Dar Jallouli yonida joylashgan. Unga sharqdan Ali Ennuriy koʻchasi va shimoldan Sidi Xalil koʻchasi orqali kirish mumkin.

Tarixi

Yozma manbalarda bu maqbara qurilishining aniq sanasi keltirilmagan, lekin koʻpchilik tarixchilarning fikricha, u 17-asrning ikkinchi yarmida, Murodiylar sulolasi davrida mavjud boʻlgan. Dastlab u Sfaks avliyosi Sidi Ali Ennuriyning (1643 – 1706) uyi edi. 1668-yili Qohiradagi oʻqishdan qaytgan bu avliyo soʻfiylar birodarligiga asos solib, shaxsiy uyini maqbaraga aylantirgan va u yerda diniy taʼlim bera boshlagan. Bundan tashqari, ushbu maqbara Buyuk Sfaks masjidida taʼlim olish uchun kelgan chet ellik talabalar uchun turar joy vazifasini ham oʻtagan. Bino, shuningdek, 18-asr boshidagi toʻqnashuvlarda siyosiy va harbiy maqsadlar yoʻlida foydalanilgan.

Galereya

• 
  Maqbaraning tashqi koʻrinishi
• 
  Maqbara eshigi
• 
  Maqbaraga kirish
• 
  Asosiy hovli
• 
  Kirish qismi
• 
  Quyosh soati
• 
  Mehrob
• 
  Namozxona
• 
  Namozxonadagi mehrob