Siyosiy qatag‘onlar qurbonlari yodgorligi Sochi

1920-1950-yillardagi siyosiy qatagʻonlar qurbonlari yodgorligi — Rossiya Federatsiyasining Sochi shahrida joylashgan yodgorlik. U shaharning mamlakatda 1920-yildan 1950-yilgacha boʻlgan davrda sodir etilgan siyosiy qatagʻonlarda oʻldirilgan va jabrlangan aholisi xotirasiga oʻrnatilgan.

Manzili

Yodgorlik Sochi shahrining markaziy tumanidagi Parkovaya va Konstitutsiya koʻchalari kesishmasida joylashgan.

Tarixi

1917-yil inqilobidan soʻng, Sovet davlati oʻz fuqarolariga nisbatan oʻnlab yillar davomida siyosiy sabablarga koʻra, majburlash choralarini qoʻllab bordi. Sochi shahrida 1920-1950-yillar davomida bir necha ming kishi siyosiy qatagʻonlardan aziyat chekdi, ularning ayrimlari otib tashlandi. Shunday insonlar taqdiri haqidagi arxiv maʼlumotlari ikki jildlik „Krasnodar oʻlkasida siyosiy qatagʻon qurbonlari xotirasi kitobi“da toʻplangan. „Nogironlar, urush va mehnat faxriylari — 1920-1950-yillardagi qatagʻon qurbonlari — voyaga etmaganlar jamiyati“ jamoat tashkiloti 2006-yilda ushbu maʼlumotlarga asoslanib, Sochi shahar maʼmuriyati va Rassomlar uyushmasi koʻmagida yodgorlik loyihasini ishlab chiqdi.

Meʼmoriy kompozitsiya

Yodgorlik tabiiy toshdan yasalgan kvadrat shaklidagi stela boʻlib, uning har bir tomonida metall peshtaxta osilgan. Ularda qatagʻonga uchragan 199 kishining nomlari qayd etilgan. Yodgorlik 2010-yil 5-martda ochilgan. Shuningdek, ushbu yodgorlikdan uncha uzoq boʻlmagan joy, SSSR Konstitutsiyasi koʻchasi boʻylab Sochi daryosining qirgʻogʻida 2007-yilda oʻrnatilgan siyosiy qatagʻonlar qurbonlari uchun kichik yodgorlik toshi ham bor.