Smalta (nem. Smalt yoki Schmalte, Schmelzen — eritish, suyukdantirish) — mozaika ishlari uchun qoʻllaniladigan kichik oʻlchamli kub (1—2 sm³) yoki plastinka (1—2 sm2) shaklidagi rangli boʻgʻiqshisha. S. bunday shishani pishirish jarayonida qoliplarga quyish yoki issiq holatda presslash (baʼzan qoʻshimcha kristallash) yoxud issiq holdagi shishaning 2 qatlami orasiga yupqa rangli zar qogʻoz joylashtirib presslash yoʻli bilan tayyorlanadi.