Sobirjon Ibrohimov
Sobirjon Ibrohimov (1905.21.12, Andijon — 1974.22.12, Toshkent) — tilshunos olim. Oʻzbekistonda xizmat koʻrsatgan fan arbobi (1972), filol. fanlari doktori (1961), professor (1965). Samarqanddagi Oʻzbekiston Ped. akademi-yasida oʻqigan (1928—29), "Qizil Oʻzbekiston" gaz.ning maxsus muxbiri (1929), Oʻzbekiston davlat nashriyotida adabiy muharrir (1929—33), Madaniy qurilish ilmiy tekshirish institutida ilmiy xodim (1933), Yangi alifbo va terminologiya qoʻmitasida boʻlim mudiri (1934—37), Oʻzbekiston Fanlar akademiyasi Til va adabiyot institutida ilmiy xodim, boʻlim mudiri (1937—74). Ilmiy tadqiqotlari oʻzbek tilining fammatika, dialektologiya, leksikologiya, imlo, orfoepiya kabi sohalariga oid ("Fargʻona shevalarining kasbhunar leksikasi", 1—3-kitob, 1956—59; "Bosh harflarni ishlatish qoidalari" 1964; "Oʻzbek imlosidagi baʼzi qiyin holatlar", 1970; "Adabiy talaffuz madaniyati", 1972 va b.). I. "Ruscha-oʻzbekcha lugʻat" (1954; 1950—55), "Navoiy asarlari lugʻati" (1972), "Oʻzbek tilining izohli lugʻati" (1981) va b. tuzishda qatnashgan.
Manbalar tahrir
- Oʻzbek tilining Andijon shevasi, T., 1967; Nutq madaniyati va adabiy talaffuz haqida, T., 1972; Tilga eʼtibor — elga eʼtibor, T., 1972.[1]
| Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 |
|
Bu maqolada boshqa til boʻlimlariga ishorat yoʻq. Siz ularni topib va ushbu maqolaga qoʻshib, loyihaga yordam berishingiz mumkin. |