Sporada orollari

Sporada orollari, Tarqoq orollar — Egey dengizidagi orollar. Gretsiya hududi. Janubiy Sporada va Shimoliy Sporada o.lari guruhiga boʻlingan. Umumiy maydoni 4 ming km² dan ziyod. Yirik orollari — Rodos, Samos (Janubiy Sporada o.lari) va Skiros (Shim. Sporada o.lari). Yer yuzasi doʻngtepalar va past togʻlardan iborat. Kserofit butalar oʻsadi. Aholi chorvachilik, baliq ovlash bilan shugullanadi. Sitrus mevalar, tamaki yetishtiriladi. Zaytunzor va tokzorlar bor. Yirik shaharlari: Rodos, Samos. Yunon madaniyati yodgorliklari saqlangan. Turizm rivojlangan.