Svetlana Gubenko

Svetlana Ivanovna Gubenko (1950-yil 20-mart) – metallurgiya sohasidagi ukrainalik olim. Texnika fanlari doktori, professor. 1998-yildan Ukraina Oliy maktabi Fanlar akademiyasining akademik aʼzosi.

Svetlana Gubenko
Tavalludi	1950-yil 20-mart Samarqand
Fuqaroligi
Kasbi	Metallurgiya sohasi olimi

Biografiyasi

Samarqand (Oʻzbekiston) shahrida tugʻilgan. Dnepropetrovsk metallurgiya institutini imtiyozli diplom bilan tugatgan (1972), shu institutning aspiranturasini (1975) muvaffaqiyatl tugatgan. 1975-yildan Ukraina Milliy metallurgiya akademiyasi Metallurgiya kafedrasi ilmiy sektorida kichik, katta, yetakchi ilmiy xodim boʻlib ishlagan. 1996-yildan boshlab metallurgiya kafedrasi professori.

Ukraina Milliy metallurgiya akademiyasida „Metallurgiya“, „Metallurgiya va metallarga issiqlik bilan ishlov berish“, „Materiya tuzilishi nazariyasi“, „Yangi materiallar“, „Plastik deformatsiyaning fizik asoslari“ kabi kurslardan dars bergan. 2002-yilda Oksford universitetida amaliyot oʻtagan. Texnika fanlari doktori (1993), professor (1996) unvonlarini qoʻlga kiritgan.

Tadqiqotchilik faoliyati

Ilmiy izlanishlari— metallurgiya sohasida. Uglerodli muhitlarda olmosning qattiq fazali avtoepitaksiyasining fundamental kashfiyoti hammuallifi hisoblanadi. Soʻnggi yillardagi ilmiy ishlanmalari: yuqori energiyali maydonlarning taʼsiri sharoitida ketma-ket yoki kompleks qayta ishlash jarayonida metall boʻlmagan qoʻshimchalar va inklyuziya-matritsalararo faza chegaralarining temir qotishmalarining strukturasini shakllantirishga taʼsirining nazariy asoslari; olmos shakllanishi va paydo qilish usullari; transport metallining eskirish nazariyasi; lazer va portlovchi ishlov berish, portlovchi qotishma jarayonida metallar va qotishmalarni mustahkamlash ishlari.

530 ta ilmiy ishlar muallifi, shu jumladan 10 ta monografiya, 50 ta kitob va risolalar muallifi (hammuallif). 12 ta ixtiro patentiga ega. Ukraina Oliy maktabi Fanlar akademiyasi metallurgiya boʻlimi ilmiy kotibi (1996—2005) boʻlib faoliyat yuritgan.

Mukofotlari

Ukraina Oliy Fanlar akademiyasining Yaroslav Mudriy mukofoti laureati boʻlgan(1998). Starodubova Xalqaro muhandislik akademiyasi mukofoti sovrindori(1998). Xalqaro ilmiy jamiyatlarning faol aʼzosi. Jumladan: Rossiya metallurglari uyushmasi (Moskva, Rossiya), ASM International (Bryussel, Belgiya). U Ukraina Taʼlim va madaniyat vazirligining „Taʼlim aʼlochisi“ koʻkrak nishoni bilan taqdirlangan (2010).