Tehron konferensiyasi

Tehron konferensiyasi (1943) — Ikkinchi jahon urushi davridagi 3 ittifoqchi davlat rahbarlarining konferensiyasi. SSSR (I.V. Stalin), AQSH (F. Ruzvelt) va Buyuk Britaniya (U. Cherchill) qatnashgan. 28 noyabr — 1 dek.da Texron (Eron)da boʻlgan. Germaniyaga qarshi urushda birgalikda harakat qilish va 3 davlatning urushdan keyingi hamkorlik aloqalari haqida Deklaratsiyalar hamda 1944 y. 1 mayidan kechiktirmasdan Yevropada 2front ochish, Polshaning urushdan keyingi chegaralari haqida va boshqa qarorlar qabul qilingan. SSSR delegatsiyasi ittifoqchilar istaklarini inobatga olib, Germaniya armiyasi tormor etilgandan soʻng , Yaponiyaga qarshi urush eʼlon qilishga vaʼda bergan.