Tetyana Avramenko
Avramenko Tetyana Vasilivna (4-sentyabr, 1958-yil Chorkesar, Namangan viloyati, Oʻzbekiston — 11-noyabr 2022-yil, Vyurtsburg, Bavariya)[1] — Ukraina akusher-ginekologi, tibbiyot fanlari doktori (2005), professor (2006). Ukrainada xizmat koʻrsatgan shifokor. Ukraina akusherlar va ginekologlar uyushmasi aʼzosi. Ukrainadagi akusherlik endokrinologiya maktabining asoschisi. Qandli diabetni oʻrganish boʻyicha Yevropa maktabi oʻqituvchisi[2].
| Avramenko Tetyana Vasilivna | |
|---|---|
 Tetyana Avramenko | |
| Tavalludi |
1958-yil 4-sentyabr Chorkesar shaharchasi, Namangan viloyati |
| Vafoti |
2022-yil 11-noyabr Vyurtsburg, Bavariya |
| Istiqomat joylari | O'zbekiston, Ukraina, Germaniya |
| Fuqaroligi |
 Ukraina |
| Kasbi | Ginekolog |
| Taʼlimi | Dnepr davlat tibbiyot universiteti |
| Ilmiy darajasi | Tibbiyot fanlari nomzodi |
| Ilmiy unvoni | Professor |
| Mashhur shogirdlari |
1 tibbiyot fanlari doktori 5 tibbiyot fanlari nomzodi 10 klinik ordinat |
| Mashhur ishlari | Qandli diabetda homilani perinatal parvarish qilishning yangi tizimi |
| Taʼsir olgan | Ukrainada onalar va perinatal oʻlim koʻrsatkichlarini 6 baravar kamaytirdi |
| Mukofotlari |
  |
Taʼlimi
tahrirDnepropetrovsk tibbiyot universitetini tamomlagan (1981). 1982-yildan AMNU Pediatriya, akusherlik va ginekologiya institutida (Kiyev) ishlagan. 2007-yilda akusherlik kardiologiyasi kafedrasining ilmiy rahbari boʻldi. 2011-yildan „Akusherlik endokrinologiyasi va homila patologiyasi“ kafedrasi ilmiy mudiri. 1999-2006-yillarda Ukraina harbiy tibbiyot akademiyasining harbiy jarrohlik kafedrasida dars bergan, professor. 20 yildan ortiq vaqt davomida u Ukraina Sogʻliqni saqlash vazirligida tibbiy aviatsiya boʻyicha maslahatchi boʻlib ishlagan.
Ilmiy qiziqishlari
tahrir2011-yildan buyon akusherlik endokrinologiyasi va homila rivojlanishi patologiyasi kafedrasi ilmiy mudiri lavozimida ishlagan, bungacha akusherlik kardiologiyasi kafedrasi ilmiy mudiri sifatida faoliyat koʻrsatgan. U homiladorlik, tugʻish va tugʻruqdan keyingi davr, jigar va oʻt yoʻllarining surunkali kasalliklari boʻlgan ayollarda immunologik reaktivlik holati bilan bogʻliq bilimlarni amaliyotga targʻib qildi; Ukrainaning prenatal markazlarida amalga oshirilgan qandli diabet bilan homilaga perinatal yordam koʻrsatishning bosqichma-bosqich tizimini ishlab chiqdi. U bir necha bor Portugaliya va Kanadadagi klinikalarda amaliyot o‘tagan va Yevropa akusher-ginekologlar assotsiatsiyasi aʼzosi, Amerika va Ukraina endokrinologlar assotsiatsiyasi aʼzosi, 2000-yildan beri Ukrainadan Sent-Vinsent deklaratsiyasi aʼzosi. U 39 yillik ilmiy tajribaga ega, ish tajribasi davomida 150 ming bolani dunyoga keltirgan[1].
Aynan Tetyana Avramenko birinchi boʻlib Ukrainaning barcha perinatal markazlarida amalga oshirilgan va qandli diabetni oʻrganish boʻyicha Yevropa maktabi tomonidan oʻrganilgan qandli diabetda homilani perinatal parvarish qilishning yangi tizimini ishlab chiqdi. Ilmiy ishlanmalar va zamonaviy amaliy yondashuvlarning tatbiq etilishi Ukrainada onalar va perinatal oʻlim koʻrsatkichlarini 6 baravar kamaytirish imkonini berdi.
Ilmiy rahbar sifatida bitta tibbiyot fanlari doktori, 5 nafar tibbiyot fanlari nomzodi va 10 nafar klinik ordinatorlarni tayyorladi.
Ilmiy ishlari
tahrir240 dan ortiq bosma ishlar, 2 ta talabalar uchun oʻquv qoʻllanma, 2 ta monografiya, 4 ta uslubiy tavsiyalar, 10 ta patentlari mavjud[3].
Mukofot va unvonlari
tahrirTetyana Avramenko bir necha bor Ukraina Tibbiyot fanlari akademiyasining maqtov yorliqlari bilan taqdirlangan. Unga akusherlik endokrinologiyasi sohasidagi ilmiy yutuqlari uchun KMDA tomonidan minnatdorchilik bildirilgan[2].
Homilador ayollarda diabetni davolashda yangi yondashuvlarni oʻrganishdagi yutuqlari uchun u Avliyo malika Olga ordeni bilan taqdirlangan[4].
2021-yilda Ukraina Prezidenti Vladimir Zelenskiyning farmoni bilan u davlat mukofoti — Boris Paton fan va texnologiya sohasidagi Ukraina Milliy mukofoti bilan taqdirlangan[5].
Manbalar
tahrir- ↑ 1,0 1,1 „Пішла з життя відома українська лікарка Тетяна Авраменко“ (uk). Qaraldi: 2022-yil 24-noyabr.
- ↑ 2,0 2,1 „Її методика була впроваджена у всі перинатальні центри України: пішла з життя відома лікарка Тетяна Авраменко“ (uk). Qaraldi: 2022-yil 24-noyabr.
- ↑ „Її методика була впроваджена у всі перинатальні центри України: пішла з життя відома лікарка Тетяна Авраменко“ (uk). Qaraldi: 2022-yil 17-noyabr.
- ↑ „Авраменко Тетяна Василівна | DU „ІNSTITUT PYeDІATRІЇ, AKUShYeRSTVA І GІNYeKOLOGІЇ ІMYeNІ AKADYeMІKA O. M. LUK’YaNOVOЇ NAMN UKRAЇNI““ (uk). Qaraldi: 2022-yil 24-noyabr.
- ↑ Зеленський. „УКАЗ ПРЕЗИДЕНТА УКРАЇНИ №660/2021“ (16 грудня 2021).