Tumonbay Bayzaqov prospekti
Tumonbay Bayzaqov prospekti — (qirgʻizcha: Түмөнбай Байзаков проспекти) Qirgʻiziston Respublikasining Jalolobod shahri markazidagi shox koʻcha[1].
.jpg) | |
| Umumiy maʻlumotlar | |
|---|---|
| Mamlakat | Qirgʻiziston |
| Hudud | Jalolobod viloyati |
| Shahar | Jalolobod shahri |
| Uzunligi | 3 km |
| Avvalgi nomlari | Lenin koʻchasi |
Joylashuvi
tahrirTarixi
tahrirKoʻcha 2023-yilning avgust oyigacha Lenin koʻchasi deb atalib kelgan. 2023-yilda qirgʻiz oqini va tarjimoni Tumonbay Bayzaqovning sharafiga qayta nomlanib, koʻchani kengaytirish va taʻmirlash ishlari olib borildi. 2023-yilning 29-avgust kuni Prezident Sadir Japarov Jalolobod viloyatiga amaliy tashrifi doirasida Jalolobod shahrida Tumunbay Bayzaqov nomidagi yangi markaziy xiyobon va koʻchani ochilish marosimida ishtirok etgan[2].
Binolari va qurilishlar
tahrirSobiq Lenin koʻchasi shaharning eng yirik koʻchasi hisoblanib, bu koʻchada Jalolobod viloyati gubernatorligining binosi, shahardagi Toʻqtogʻul Satilgʻanov nomidagi istirohat bogʻi[3], Moʻl-moʻl mehmonxonasi, Aygul savdo markazi, Avtovokzal, shahardagi eng yirik uch bozor (Shaftolizor, Markaziy, Baraka bozori) va bir qancha savdo markazlari va binolar joylashgan.
Koʻchada ikki dona yoʻlovchilar uchun osma koʻprik[4][5] va yer osti yoʻllari qurilgan[6]. Koʻchaning osma koʻprik va yer osti yoʻllari oʻtuvchi qismi 2015-yilda 4 metrgacha kengaytirilgan[7].
Avvalgi qurilishlar
tahrirLenin koʻchasida sovet davrida qurilgan paxtani qayta ishlash zavodi boʻlgan. Keyinchalik bu zavod xususiy tomonlarga berilib, oʻrniga Baraka bozori va bir qancha savdo markazlari shuningdek koʻp qavatli uylar qurilgan. Shungdek bu koʻchada Adliya vazirligiga qarashli 10-sonli axloq tuzatish koloniyasi va Qorovul-konvoy boshqarmasiga qarashli 5-sonli bataloni binolari mavjud boʻlgan[8].
Manbalar
tahrir- ↑ Жалал-Абадда Түмөнбай Байзаков атындагы жаңы борбордук проспект ачылды
- ↑ Президент Жалал-Абадда акын Түмөнбай Байзаков атындагы жаңы борбордук проспектини ачты
- ↑ Токтогул паркы реконструкцияланып жатат
- ↑ Жалал-Абад шаардык Кеңешинин VI чакырылыш XХV сессиясы
- ↑ Жалал-Абад шаарынын Ленин көчөсүндөгү асма көпүрөнүн курулуш иштери аяктап калды
- ↑ Жалал-Абадда соода түйүндөрү бар жер алдынан өтүүчү өтмөк курулду
- ↑ Жалал-Абад шаарындагы Ленин көчөсү кеңейтилүүдө
- ↑ Жалал-Абадда абак жайлар бузулуп, ордуна сейил бак, музей, оюн зоок борбору салынат