Turkmaniston — Tojikiston munosabatlari
Turkmaniston — Tojikiston munosabatlari — Turkmaniston va Tojikiston oʻrtasida ikki tomonlama diplomatik aloqalar. Sovet Ittifoqi tarkibida boʻlgan har ikki mamlakat mustaqillikni qoʻlga kiritgandan keyin 1993-yil 27-yanvar kuni oʻzaro diplomatik aloqalarni oʻrnatganlar[1]. Ikki davlat oʻrtasida hamkorlik siyosiy, savdo-iqtisodiy, ilmiy-texnikaviy, madaniy va boshqa sohalarda rivojlanib bormoqda. Ikki davlat oʻrtasida turli sohalarda 60 dan ortiq davlatlararo va hukumatlararo hujjatlar imzolangan.
 | |
 Turkmaniston |
 Tojikiston |
Tarix tahrir
Mamlakatlar oʻrtasida diplomatik aloqalar 1993-yil 27-yanvarda Turkmaniston va Tojikiston Respublikasi oʻrtasida diplomatik aloqalarni oʻrnatish toʻgʻrisidagi Protokol imzolanishi bilan oʻrnatilgan[2].
1995-yil iyul oyida Tojikiston Prezidenti Imomali Rahmon amaliy tashrif bilan Ashxabodga keldi. 1999-yil aprel oyida Imomali Rahmon Markaziy Osiyo davlatlari rahbarlarining uchrashuvida ishtirok etish uchun Turkmanistonga ish tashrifini amalga oshirgan.
2007-yil oktabr oyida Turkmaniston Prezidenti Gurbanguli Berdimuhamedov rasmiy tashrif bilan Tojikistonga kelgan. 2007-yil dekabrda Tojikiston Prezidenti Imomali Rahmon javob tashrifi bilan Turkmanistonga kelgan.
2009-yilda Tojikiston Prezidenti Imomali Rahmonning Turkmanistonga ishc tashrifi boʻlib oʻtgan.
2014-yil 5-6-may kunlari Turkmaniston Prezidenti Gurbanguli Berdimuhammedov rasmiy tashrif bilan Tojikiston Respublikasida boʻldi.
Savdo-iqtisodiy hamkorlik tahrir
Ikki mamlakat oʻrtasidagi tovar ayirboshlash hajmi 2013-yil oxirida 119,3 million dollarni tashkil etdi[3].
Tojikiston Turkmanistondan neft mahsulotlari, tozalangan paxta yogʻi, sement sotib oladi.
Turkmaniston Tojikistondan isteʼmol tovarlari, alyuminiy va alyuminiy mahsulotlari, qishloq xoʻjaligi mahsulotlarini import qiladi.
Manbalar tahrir
- ↑ „Türkmenistanyň diplomatik gatnaşyklary“ (deadlink). 2015-yil 2-fevralda asl nusxadan arxivlangan. Qaraldi: 2015-yil 2-fevral. (Wayback Machine saytida 2015-02-02 sanasida arxivlangan)
- ↑ Визит дружбы и взаимовыгодного партнёрства, 2017-07-03da asl nusxadan arxivlandi, qaraldi: 2021-04-30
- ↑ „Таджикистан-Туркменистан: хронология отношений“ (deadlink). 2015-yil 2-fevralda asl nusxadan arxivlangan. Qaraldi: 2015-yil 2-fevral. (Wayback Machine saytida 2015-02-02 sanasida arxivlangan)