Turkum:9-iyun bayramlari

9-iyun — Xalqaro arxivlar kuni

Arxiv sizu biz koʻrmagan qadim tarixdan to bugungacha boʻlgan davrning tilsiz guvohidir. Soʻnggi yillarda ushbu murakkab sohaga eʼtibor tubdan oʻzgardi. Ayniqsa, “yopiq maʼlumotlar”ning ochilishi eng muhim voqealardan biri boʻldi, desak yanglishmaymiz.

Respublikamizda rasman arxivga bundan yuz yil oldin asos solinib, u bugungacha Markaziy Osiyodagi yagona arxiv agentligi hisoblanadi. Oʻzbekiston Respublikasi Vazirlar Mahkamasi huzuridagi “Oʻzarxiv” agentligi tizimida 14 ta hududiy boshqarmalar, 103 ta davlat arxivlari hamda ularning filiallari xalqqa xizmat qilib kelmoqda. Shuningdek, yurtimizda hokimliklar huzurida tashkil etilgan shaxsiy tarkib hujjatlari va nodavlat arxivlar ham faoliyat yuritmoqda.