Tursunqul Mamatqulov
Tursunqul Mamatqulov (1903-yil tavallud topgan — 1938-yil vafot etgan) — Viloyat qidiruv bo‘limi boshlig‘i. Farg‘ona viloyati harbiy komissariatida sektor boshlig‘i. Surxondaryo okrugi Jarqo‘rg‘on tumani partiya komiteti sekretari, Quva MTS siyosiy bo‘lim boshlig‘i. Farg‘ona okrugi Toshloq tumani partiya komiteti sekretari.
| Tursunqul Mamatqulov | |
|---|---|
| Vafoti | Farg‘ona viloyati |
| Fuqaroligi |
 SSSR |
| Faoliyat yillari | 1919—1937-yillar |
Hayoti va taʼlimi
tahrirT. Mamatqulov 1903-yilda Farg‘ona viloyati Oqariq qishlog‘ida oddiy xizmatchi oilasida tavallud topgan. Manbalarda uning oilaliligi, Farg‘ona viloyati, Toshloq tumani Ohunboboyev qishlog‘ida istiqomat qilgani qayd etilgan[1].
Maʼlumoti — quyi, 1916-yilda Farg‘ona shahridagi 7-yillik maktabda tahsil olgan.
1938-yilning oktyabr oyida o‘tkazilgan Harbiy SSSR Oliy sudi kollegiyasi sayyor sessiyasining yig‘ilishida 15 yillik qamoq jazosiga hukm etilgan[2].
Faoliyati
tahrir1919-yilda shaharga yaqin joyda joylashgan bosmachilarni tugatish bo‘yicha otryadga ishga kirgan va u yerda 1920-yilgacha faoliyat ko‘rsatgan. 1920-1922-yillarda Farg‘ona shahar militsiyasida bosmachilarga qarshi kurashda faol qatnashgan, 1922-1923-yillarda esa qidiruv bo‘limida boshliq bo‘lib jinoyatchilarga qarshi kurash olib borgan. 1923-yil-1925-yil OGPUning maxsus bo‘limida, 2-otliq brigadasida faoliyat ko‘rsatgan. Keyinchalik 1925-1927-yillar davomida Farg‘ona viloyati harbiy komissariatida sektor boshlig‘i,1928-yil gacha viloyat komsomol komiteti targ‘ibot-tashviqot bo‘limi mudiri bo‘lib ish olib borgan. Keyinroq u partiya ishiga o‘tkazilgan va Qo‘qon uyezd-shahar partiya komitetida targ‘ibot-tashviqot bo‘limi mudiri sifatida faoliyatini davom ettiradi. 1929-yildan to 1930-yil]]gacha Marg‘ilon tumani partiya komitetining sekretari, 1931-1932-yillarda Surxondaryo okrugi Jarqo‘rg‘on tumani partiya komiteti sekretari bo‘lib ishlagan. 1933-1935-yillar oralig‘ida Quva MTS siyosiy bo‘lim boshlig‘i, 1935-yildan boshlab Farg‘ona okrugi Toshloq tumani partiya komiteti sekretari lavozimlarida faoliyat yuritgan. Ushbu lavozimda 1937-yil sentyabr oyigacha, yaʼni hibsga olinguniga qadar xizmat qilgan[3].
Uning faoliyati munosib taqdirlanib, 1933-, 1934-, 1935-yillari O‘zKompartiya Markaziy Komiteti, O‘rta Osiyo respublikalari yer ishlari xalq komissarlari Markazning vakilligi tomonidan pul va buyum mukofotlari bilan taqdirlangan.
Adabiyotlar
tahrir- Shamsutdinov, Rustambek. O‘zbekistonda sovetlarning qatag‘on siyosati va uning oqibatlari. Toshkent: "SHARQ" NASHRIYOT-MATBAA AKSIYADORLIK KOMPANIYASI, 2012 — 432-bet. ISBN 978-9943-00-481-8.
Manbalar
tahrir- ↑ O‘zR PDA. 58-fond, 65-ro‘yxat, 425-ish — 149–150-bet.
- ↑ RF FXXMA. 7-fond, 1-ro‘yxat, 10-ish — 541-bet.
- ↑ Shamsutdinov, Rustambek. O‘zbekistonda sovetlarning qatag‘on siyosati va uning oqibatlari. Toshkent: "SHARQ" NASHRIYOT-MATBAA AKSIYADORLIK KOMPANIYASI, 2012 — 432-bet. ISBN 978-9943-00-481-8.