Tushda kechgan umrlar
„Tushda Kechgan Umrlar“ — oʻzbek yozuvchisi Oʻtkir Hoshimov qalamiga mansub roman. Ushbu roman yozuvchining ijodidagi uchunchi va so'nggi romandir. 1993-yil yozib tugatilgan roman ilk bor „Sharq yulduzi“ jurnalida serialashtirilgan[1]. Kitob oʻlaroq 1994-yil Toshkent shahrida „Sharq“ nashriyotida chop etilgan.
| Muallif(lar) | Oʻtkir Hoshimov |
|---|---|
| Til | oʻzbekcha |
| Janr(lar)i | roman |
| Nashr etilgan sanasi | 1994 |
| Nashriyot | „Sharq“ |
| Sahifalar soni | 335 |
„Tushda Kechgan Umrlar“ Hoshimovning eng taniqli asarlaridan biridir. Roman tanqidchilar tomonidan yaxshi kutib olingan. Oʻzbekiston xalq yozuvchisi Said Ahmad „Romanni loqayd-hayajonsiz oʻqib boʻlmaydi. U kitobxonni larzaga soladi. Xalq boshiga kulfatdan boshqa narsa solmagan qonli urushni boshlagan telba urushqoqlarga dil-dilidan qargʻish yogʻdiradi“, deya yuqori baholagan[2]. So'nggi marta 2024-yili "Nurli Dunyo" nashriyotida 15 000 nusxada 288 betli yumshoq muqovada nashr etildi.
Qahramonlari
tahrirRomanda bosh qahramon Rustamning fojiaviy qismati orqali afgʻon urushining maʼnosiz mohiyati ifoda etilgan. Butun umri davomida totalitar rejim siyosatining qalqoni va qilichi sifatida ish koʻrgan, necha minglab halol odamlar dilini jarohatlagan, yostigʻini quritgan Komissar ham oʻziga xos fojiaviy obrazdir. Bu kimsaning fojiasi shundaki, u oʻzi olib borgan qora ishlarni haq deb biladi. Shuningdek, asarda Qurbonoy xola obrazi boʻlib, u boshiga tushgan qiyinchiliklarni matonat bilan yenggan oʻzbek ayoli timsolida gavdalanadi. Qolaversa, asarda Rustamning ayoli Shahnoza obrazi boʻlib, u erining oʻlimida oʻzini aybdor hisoblaydi.[3]
Manbalar
tahrir- ↑ „Tushda kechgan umrlar“. Taqvim. 2016-yil 5-oktyabrda asl nusxadan arxivlangan. Qaraldi: 2016-yil 4-oktyabr. (Wayback Machine saytida 2016-10-05 sanasida arxivlangan)
- ↑ Нарзуллоева, Нилуфар. „Саид Аҳмаднинг замондошлари ҳақидаги хотиралари“. Talqin va tadqiqotlar”. № 12. 104–112-bet.
- ↑ "Tushda kechgan umrlar" romanidagi maʼlumotlarga asoslangan holda kiritildi..
Havolalar
tahrir| Vikiiqtibosda Tushda kechgan umrlarga tegishli iqtiboslar mavjud. |
- Oʻtkir Hoshimov: „Haqiqiy yozuvchi Xudo koʻngliga solganini yozadi“, Xurshid Davron kutubxonasi
 |