Umida Omonova

oʻzbekistonlik shaxmatchi

Omonova Umida Shuhrat qizi (2006-yil 25-aprel; Sherobod tumani, Surxondaryo viloyati, Oʻzbekiston) — taniqli oʻzbek shaxmatchisi. Surxondaryo shaxmat maktabi vakilasi. Bolalar va oʻsmirlar, maktab oʻquvchilari oʻrtasida oʻz yosh toifasida 10 karra Oʻzbekiston chempioni. 2016-yildan Oʻzbekiston oʻsmirlar terma jamoasi aʼzosi. Osiyo miqyosidagi qator shaxmat chempionatlari[2][3] va butunjahon shaxmat olimpiadasi gʻolibasi[4][5][6]. FIDE sport ustasi unvoni sohibasi (2019). Oʻzbekiston tarixida ushbu unvonni qoʻlga kiritgan eng yosh ayol master. Zulfiya nomidagi davlat mukofoti sovrindori (2021). Rapid va blits yoʻnalishlarida oʻsmirlar oʻrtasida jahon chempioni (2022)[7]. Hozirda Oʻzbekiston shaxmat federatsiyasining Xalqaro shaxmat akademiyasi sportchi-oʻquvchisi[8].

Umida Omonova
Omonova Umida Shuhrat qizi
Tugʻilgan sanasi: 25-aprel 2006-yil (2006-04-25) (17 yosh)
Tugʻilgan joyi: Sherobod tumani, Surxondaryo viloyati, Oʻzbekiston
Yashash joyi: Toshkent, Oʻzbekiston
Unvoni: WIM
Maksimal reytingi: 2269(aprel 2019)
Hozirgi reytingi : 2147[1]

Respublika gender komissiyasi aʼzosi Saida Mirziyoyeva yosh shaxmatchilarni medallar bilan tabriklab, Umida Omonova haqida quyidagi fikrlarni bildirdi:

Qizlarimizning intellektual salohiyati meni doim qoyil qoldiradi!

Surxondaryo shaxmat maktabi vakilasi Umida Omonova tezkor shaxmat boʻyicha oʻsmirlar oʻrtasida jahon chempioni boʻldi. 40 ta mamlakatdan kelgan 330 sportchi orasida aynan Umida bu ajoyib natijaga erishdi!

Kumush medal ham shaxmatchimiz Humoyun Bekmurodovga nasib qildi. Yurtimiz dunyoning shaxmat poytaxtiga aylanib bormoqda.

Chin qalbdan tabriklayman! Umida bilan yuzma-yuz uchrashuv onlarini intiqlik bilan kutib qolaman![7]

Manbalar tahrir

  1. „International Chess Federation“. Ratings.fide.com. Qaraldi: 2022-yil 4-iyul.
  2. „Oʻzbekistonlik yosh shaxmatchilar Osiyo chempionatida 5ta oltin medal qoʻlga kiritishdi“. Kun.uz (2019-yil 10-aprel). Qaraldi: 2022-yil 4-iyul.
  3. „Oʻzbekistonlik yosh shaxmatchilar Osiyo chempionatida birinchi oʻrinni olishdi“. Kun.uz (2019-yil 28-iyun). Qaraldi: 2022-yil 4-iyul.
  4. „Oʻzbekistonlik yosh shaxmatchilar jahon chempionatida 5ta medalni qoʻlga kiritishdi“. Kun.uz (2019-yil 29-aprel). Qaraldi: 2022-yil 4-iyul.
  5. „Oʻsmirlar oʻrtasidagi Butunjahon shaxmat olimpiadasida Oʻzbekiston 2-oʻrinni oldi“. Kun.uz (2019-yil 6-noyabr). Qaraldi: 2022-yil 4-iyul.
  6. „Butunjahon Shaxmat olimpiadasida ishtirok etgan oʻzbekistonlik shaxmatchilar taqdirlandi“. Kun.uz (2019-yil 26-noyabr). Qaraldi: 2022-yil 4-iyul.
  7. 7,0 7,1 „Umida Omonova rapid va blits yoʻnalishlarida oʻsmirlar oʻrtasida jahon chempioni boʻldi“. Kun.uz (2022-yil 4-may). Qaraldi: 2022-yil 4-iyul.
  8. „Zulfiya mukofoti sovrindorlari eʼlon qilindi“. Kun.uz (2021-yil 3-mart). Qaraldi: 2022-yil 4-iyul.