Usta Kamol hoji masjidi

Usta Kamol hoji masjidi — Namangan shahar, Margʻilon mahallasi, Oʻzbekiston koʻchasi 9-uyda joylashgan masjid. Masjidning umumiy yer maydoni 8,3 sotixni tashkil etadi.

Masjid
Usta Kamol hoji masjidi
Shahar	Namangan
Manzil	Margʻilon mahalla, O'zbekiston koʻchasi, 9-uy
Yoʻnalishi	sunniy
Masjid turi	Jomeʼ-Masjid
Meʼmoriy uslub	Islom meʼmorchiligi
Homiylar	Rasulov Moʻydinsho, Xamrohoʻja Eshon, Muminov Abdubaqqol
Soʻngi imom	Abdulbositxon Yusupov
Umumiy maydoni	8.3
Gumbazlar soni	1
Gumbazlar soni	1
Minoralar soni	2
Minoralar soni	2
Holati	amaldagi
Tarovih
Saharlik va iftorlik

Tarixi

Masjidning oʻrni muqaddam 1880-yillarda „Mulla Qirgʻizboy ota“ tomonidan barpo etilgan boʻlib, 1917-yilga qadar faoliyatini davom ettirgan. 1920-yillardagi inqilobdan keyin qarovsiz qolgan masjidni Rasulov Mo'ydinsho aka qayta taʻmirlagan, bunga Xamrohoʻja Eshon ota va Muminov Abdubaqqol otalar yordam berishgan. 1924-yildan 1943-yilga qadar bu yerda turli xil millatlarga mansub fuqarolar yashagan. 1943-yilda hamma masjidlar qatori yana oʻz faoliyatini boshlagan. Bu vaqtlarda Abdullo qori ota imom xatib, Baxri hoji ota muazzin boʻlganlar. 1946-yildan 1990-yilgacha yana koʻp millatli fuqarolarga yashash uchun joy qilib berilgan. 1991-yil Oʻzbekiston mustaqilligi sharofati bilan masjid yana mahalla namozxonlari talabiga binoan, shahar hokimining 1991-yil 28-noyabrdagi 468/13-sonli qaroriga asosan qayta taʻmirlash uchun olib berilib, qaytadan hashar yoʻli bilan masjid binosini yangi zamonaviy usulda qurildi. Oʻzbekiston Respublikasi Adliya Vazirligi tomonidan 1993-yil 24-sentyabrda 282-sonli guvohnoma bilan diniy tashkilot nizomiga asosan roʻyxatga olinib, mahalla tashabbuskorlari talabiga binoan „Usta Kamol hoji“ masjidi deb nomlandi. 1998-yil Oʻzbekiston Respublikasining „Vijdon erkinligi-diniy tashkilotlar“ amaldagi qonunlari asosida viloyat hokimligining 31-iyundagi 48-sonli guvohnomasiga ega boʻlib, qayta roʻyxatdan oʻtkazildi. Oʻzbekiston Respublikasi Adliya Vazirligi tomonidan 14-avgust kuni 35-sonli guvohnomasi berildi. „Usta Kamol hoji“ Mulla Yoʻldoshboy ota hunarmand oilasida Namangan shahrida 1896-yilda tug'ilgan. Ota-onasidan yosh qolib, yoshlik chogʻlarida Maxdum Eshon domlalardan tahsil olganlar. Kasbi sartaroshlik boʻlib, Abdul Qodir oqsoqol ustadan hunar oʻrgangan. Usta Kamol hoji oʻtkir zehnli xushmuomalali kishi boʻlib, xalq orasida ulamolarni doʻst tutib tanilgan va koʻpgina shogirdlar qoldirgan. Usta Kamol hoji 1960-yilda 5-mayda vafot etgan. Masjidda 1992-yildan 1998-yilgacha Mulla Tursunboy hoji ota imomlik qilgan. 1998-yildan masjidning imom xatibi Namangan shahar „Mulla Qirgʻiz“ madrasasini bitirgan, maʻlumoti oʻrta maxsus boʻlib, Abdulqodir qori nabirasi Abdulbositxon Yusupov Sobirjon hoji oʻgʻli davom ettirmoqda. Masjid, asosan, Xanafiy masxabiga amal qiladi va O'zbekiston Musulmonlari diniy idorasiga boʻysunadi.