Chala maqola — Vikipediya loyihalarida baʼzi-bir foydali maʼlumot keltirilgan, lekin mavzusi hali ensiklopedik ravishda toʻliq yoritilmagan maqola. Aksar hollarda bunday maqola faqatgina bir necha gapdan (taʼrif va/yoki eng umumiy axborotdan) iboratdir. Asta-sekin bunday maqolalar Vikipediya qonun-qoidalariga asosan toʻldirishi lozim. Chala maqolalarga odatda {{stub}} andozasi qoʻyiladi, lekin uni imkon boricha tematik andozaga almashtirish tavsiya etiladi.

Chala maqolalarning oʻchirilishi kerak boʻlgan maqolalardan farqi: a) mavzusi ensiklopedik ahamiyatga ega; b) eng muhim boʻlimlar, kamida bitta turkum, kerakli andozalar va intervikilar (agar boʻlsa) mavjud. Chala maqolalar kichik hajmga ega boʻladi, lekin barcha kichik maqolalarni chala maqolalar safiga qoʻshish notoʻgʻri. Baʼzi maqolalar mavzusiga oid axborot kamligi sabab kichik boʻlishi mumkin.

Yana qarang