Virginia Holton Admiral
Virginia Holton Admiral yoki Virginia De Niro (1915-yil 4-fevral – 2000-yil 27-iyul) – amerikalik rassom, shoira va aktrisa[1]. U Robert De Nironing onasi edi. U Nyu-Yorkda Hans Hofmann qoʻl ostida rasm chizishni oʻrgangan va uning ishi Peggy Guggenheim kolleksiyasiga kiritilgan[2].
| Virginia Holton Admiral | |
|---|---|
| Tavalludi |
4-fevral 1915-yil |
| Vafoti |
27-iyul 2000-yil (85 yoshda) Nyu-York |
| Fuqaroligi | AQSh |
| Taʼlimi | Chikago sanʼat instituti |
| Kasbi | Rassom |
| Faoliyat yillari | 1932–2000-yillar |
| Turmush oʻrtogʻi | Robert De Niro Sr. |
| Bolalari | Robert De Niro |
Hayoti
tahrirAdmiral Oregon shtatida tugʻilgan. Maktab oʻqituvchisi Alice Caroline Groman va don savdosi bilan shugʻullanuvchi Donald Admiralning qizi hisoblanadi. Admiral presviterian sifatida katta boʻlgan, ammo keyinchalik balogʻat yoshida ateist boʻlgan. Uning otasi ingliz, fransuz va gollandiyalik, onasi esa nemis millatiga mansub edi[3]. 1920-yilda u ota-onasi va singlisi Eleonora bilan birga Illinoys shtatining Danville shahriga koʻchib oʻtgan. 1930-yilga kelib Virginianing ota-onasi ajrashishdi va u onasi hamda singlisi bilan Kaliforniyaning Berkeley shahriga koʻchib oʻtadi. Berklida onasi maktab oʻqituvchisi boʻldi.
1932-yildan 1935-yilgacha Admiral Ayova shtatining Sidar-Rapids shahridagi Coe kollejida bakalavr darajasini qoʻlga kiritdi[4]. U yerda jurnalistika boʻyicha ixtisoslashgan fakultetda tahsil olgan. Admiral Chikago sanʼat institutida Hans Hofmann qoʻl ostida tahsil olgan. 1938-yilda u Kaliforniyaning Oklend shahridagi Federal sanʼat loyihasida ishladi[5]. [[Berkeley (California)|BerkeleyBerkeleyda yashayotganida, u kampusdan tashqari sanʼat, sotsialistik va adabiy fanlar bilan shugʻullangan. Kaliforniyaning Greenwich shahriga sayohat qilgan vaqti Admiral 1940-yillarda shoir Robert Duncan bilan tanishdi. Duncan bilan u Epitaf jurnalining maxsus sonini chiqardi[6].
Rassom Admiral Massachusetts shtatining Provincetown shahridagi Hans Hofmanning rasm darslaridan birida izlanuvchan rassom Robert De Niro Sr bilan uchrashdi. Ular 1942-yil dekabrda turmush qurishdi. 1943-yil avgust oyida Virginia boʻlajak aktyor va rejissyor kichik Robert De Niro oʻgʻlini dunyoga keltirdi[7].
Admiral AQShning Vyetnam urushidagi ishtirokiga qarshi, shuningdek, sanʼatkorlar va kambagʻallarning huquqlari uchun siyosiy harakatlarda faol ishtirok etgan. 1960-yillarda u Nyu-Yorkning SoHo hududida ishlaydigan rassomlar uchun arzon uy-joy olishda muhim rol oʻynagan. Uning ishlari Nyu-Yorkdagi Metropolitan sanʼat muzeyi va Peggy Guggenheim kolleksiyasida saqlanadi[8][9][10].
Adabiyotlar
tahrir- Robert Duncan: The Ambassador from Venus, A Biography by Lisa Jarnot; University of California Press, 2012
- Untouchable: A Biography of Robert De Niro by Andy Dougan; Da Capo Press, 2003
Manbalar
tahrir- ↑ University of California, Berkeley. Commencement Programs, 1933.
- ↑ „About the Artist“ (en-US). VirginiaAdmiral.com. Qaraldi: 2021-yil 23-yanvar.
- ↑ Shawn Levy. De Niro: A Life. Crown Archetype, 2014. ISBN 9780307716804.
- ↑ Coe College. The Acorn, 1935.
- ↑ „Virginia Admiral, 85, Painter and Writer“. The New York Times (2000-yil 15-avgust).
- ↑ „Virginia Admiral; Artist, Mother of Robert DeNiro“. Los Angeles Times (2000-yil 16-avgust). Qaraldi: 2014-yil 20-noyabr.
- ↑ Robert De Niro - Biography, TalkTalk.co.uk. Andoza:Archive url
- ↑ „Untitled (still life)“. Metropolitan Museum of Art. Qaraldi: 2022-yil 1-sentyabr.
- ↑ „Virginia Admiral - Composition - 1942“ (en). The Museum of Modern Art. Qaraldi: 2022-yil 1-sentyabr.
- ↑ „A Finding Aid to the Virginia Admiral papers, 1945-1978“ (en). Archives of American Art. Smithsonian Institution. Qaraldi: 2022-yil 1-sentyabr.