Virginijus Sinkevičius
Virginijus Sinkevičius (1990-yil 4-noyabrda tugʻilgan) — Litvalik siyosatchi, 2019-yildan buyon en:von der Leyen Commission:von der Leyen Commission boshchiligidagi Yevropa komissiyasida Atrof-muhit, okeanlar va baliqchilik boʻyicha Yevropa komissari lavozimida ishlab kelmoqda. U avval Respublika Seymi aʼzosi boʻlgan. Litva Respublikasi Iqtisodiyot va innovatsiyalar vaziri.
| Virginijus Sinkevičius | |
|---|---|
.jpg) Sinkevičius 2022-yilda | |
| Atrof-muhit, okeanlar va baliqchilik bo'yicha Yevropa komissari | |
|
Mansab davri 1-dekabr 2019 – hozirgacha | |
| Prezident | Ursula von der Leyen |
| Oʻtmishdoshi | Karmenu Vella |
| Iqtisodiyot va innovatsiyalar vazirligi | |
|
Mansab davri 27-noyabr 2017 – 30-noyabr 2019 | |
| Vitse-prezident | Saulius Skvernelis |
| Vorisi |
Žygimantas Vaičiūnas Rimantas Sinkevičius |
| Member of the Seimas | |
|
Mansab davri 14-noyabr 2016 – 28-noyabr 2019 | |
| Oʻtmishdoshi | Mindaugas Lingė (2020) |
| Vorisi | Audronius Ažubalis |
| Shaxsiy maʼlumotlari | |
| Tavalludi |
4-noyabr 1990-yil Vilnius, Litva |
| Siyosiy partiyasi | Litva fermerlar va qishloq xoʻjaligi ittifoqi |
| Taʼlim |
Aberystwyth Universiteti Maastricht Universiteti |
Yoshligi va taʼlimi
tahrir2009-yilda Sinkevičius oʻzi tugʻilgan Litvaning Vilnyus shahridagi Salomėja Nėris gimnaziyasini tamomlagan. Keyin u Aberystwyth universitetida bakalavriatda oʻqishni davom ettirdi va u yerda 2012-yilga qadar oʻqib, Iqtisodiy va ijtimoiy tadqiqotlar bakalavr darajasini oldi.
2012-yilda Sinkevičius Litva Respublikasi Bosh vaziri devonining Mintaqaviy va etnik masalalar boʻlimida stajyor boʻlgan. 2013-yilda Maastricht universitetida Yevropa tadqiqotlari boʻyicha san’at magistri darajasini oldi.
Sinkevičius litva tilini ona tili sifatida, shuningdek, ingliz, rus va polyak tillarini biladi[1].
Boshlangʻich faoliyati
tahrir2012—2015-yillarda Sinkevičius Lithuania Tribune yangiliklar portalining muallifi va muharriri boʻlgan. 2013—2014-yillarda Vashingtondagi Yevropa siyosatini tahlil qilish markazida (CEPA) loyiha menejeri yordamchisi boʻlib ishlagan.
2014-yilda Sinkevičius Lietuvos pastas kompaniyasida xalqaro guruh loyihasi menejeri sifatida va 2014—2015-yillarda „Create Lithuania“ dasturida ishtirok etgan. 2015—2016-yillarda u Litva aeroportlari (LTOU) konsessiya loyihasida loyiha koordinatori boʻlgan. 2016-yilda u en:Invest LithuaniaInvest Lithuania davlat korxonasida investitsiya muhitini yaxshilash boʻyicha guruh rahbari sifatida ham faoliyat olib borgan.
2017-yilda Sinkevičius Oksford universitetida raqamli siyosat kursini tamomlagan.
Siyosiy faoliyati
tahrirMahalliy siyosatdagi faoliyati
tahrir2016-yilgi parlament saylovlarida Sinkevičius Vilnyus shahridagi Šeškinė saylov okrugidan mustaqil nomzod sifatida Litva Respublikasi Seymiga bir manddat deputat etib saylandi; keyin u Iqtisodiy masalalar boʻyicha qoʻmita raisi etib tayinlandi.
2017-yil 27-noyabrda Sinkevičius Bosh vazir Saulyus Skvernelis kabinetida Iqtisodiyot vaziri etib tayinlandi va Iqtisodiyot vazirligi qayta tashkil etilganidan soʻg u Iqtisodiyot va innovatsiyalar vaziri boʻldi[2].
Yevropa komissari
tahrir2019-yil 22-avgustda Litva parlamenti Sinkevičiusning Yevropa komissarligiga nomzodini tasdiqladi[3]; nomzod bosh vazir Skvernelis va Litva fermerlar va qishloq xoʻjaligi ittifoqi (LVŽS) rahbari Ramūnas Karbauskis tomonidan tasdiqlandi[4].
Sinkevičius lavozimga kirishgach, 28 yoshida Yevropa tarixidagi eng yosh komissarga aylandi[5].
2022-yilda Sinkevičius kimyoviy pestitsidlardan foydalanishni ikki baravar qisqartirish va 2030-yilga kelib Yevropa Ittifoqi yerlarining kamida 20 foizigacha tiklash boʻyicha qonun loyihasini taklif qildi, bu tabiatni himoya qilish va yovvoyi tabiatning kamayib borayotgan populyatsiyasini tiklashga urinish edi[6].
Tan olinishi
tahrir2018-yilda Sinkevičius investorlar forumi assotsiatsiyasi tomonidan yilning eng yaxshi biznes muhiti uchun eng yaxshi yechimi va #SWITCH! da blokcheyn yetakchiligi uchun taqdirlandi. 2019-yilda u Litva Biznes Konfederatsiyasi tashkilotining innovatsion islohot va startap ekotizimini rivojlantirish boʻyicha „Hamkorlik yetakchisi 2018“ mukofotini oldi. 2018-yilda Sinkevičius Apolitical veb-sayti tomonidan hukumatdagi 100 ta eng nufuzli yoshlar roʻyxatiga kiritilgan[2].
Manbalar
tahrir- ↑ „Virginijus Sinkevičius“ (Lithuanian). Lietuvos Respublikos Seimas.
- ↑ 2,0 2,1 „Virginijus Sinkevičius“ (Lithuanian). Lietuvos Respublikos ekonomikos ir inovacijų ministerija. 2019-yil 16-sentyabrda asl nusxadan arxivlangan.
- ↑ Saulius Jakučionis. „Lithuanian parliament approves nomination of Economy Minister Sinkevičius to European Commission“. Lithuanian National Radio and Television (22-avgust 2019-yil).
- ↑ David M. Herszenhorn (7 August 2019), Lithuania puts forward economy minister for European Commission Politico Europe.
- ↑ Eline Schaart and Louise Guillot (1 December 2020), Honeymoon’s almost over for EU’s green guardian Politico Europe.
- ↑ Kate Abnett and Francesco Guarascio (22 June 2022), EU seeks to halve use of pesticides, heal nature with landmark laws Reuters.