Virtual smart-karta

Virtual smart-karta — maʼlumot tashuvchi apparatlar (smart-karta, USB-token)ga xos operatsiyalarni toʻlaligicha bajarishga imkon beruvchi smart-kartalarning dasturiy taʼminoti.

Virtual smart-karta odatiy smart-kartaning harakatlarini toʻliq takrorlaydi. Foydalanuvi ishlaydigan kompyuter va ilovalarning operatsion tizimi uchun virtual smart-karta anʼanaviy kartalardan farq qilmaydi.

Virtual smart-karta texnologiyasi Windows Server 2012, Windows 8 va Windows RT OTlarida paydo boʻlgan. Texnologiyaning amalga oshirilishigiga qarab anʼanaviy tashuvi va unga mos oʻquvchi qurilma rolini platforma modulining ishonchli mikrosxemasi (TPM), kalitlar va raqamli sertifikatlarni maxsus saqlovchi, hattoki foydalanuvchining smartfoni bajarib berishi mumkin.

Virtual smart-karta foydalanuvi va kompyuterga ulanadi. Foydalanuvchi uchun virtual smart-karta oʻzida kompyuterda doimiy ravishda mavjud boʻlgan smart-kartani aks ettiradi. Foydalanuvchi smart-kartani bir nechta kompyuterda ishlata olishi uchun karta ularning har biriga kiritilishi kerak. Agar bitta kompyuterda bir nechta foydalanuvchi ishlasa, ularning har biriga alohida virtual smart-karta taqdim etiladi.

Foydalanish usullari

Virtual smart-karta anʼanaviy kalit tashuvchilar uchun mavjud boʻlgan barcha foydalanish usullari va toʻplamlariga egalik qiladi. Anʼanaviy smart-kartalar kabi virtual smart-kartalar ham quyidagilarni amalga oshirishga yordam beradi:

• Maʼlumotlarning elektron-raqamli imzolari;
• Maʼlumotlarni shifrlash va shifrni ochish;
• Foydalanuvchilarning ikki omilli audentifikatsiyasi;
• Single Sign-On rejimida kirish.

Afzalliklar

Virtual smart-karta anʼanaviy smart-kartadan apparatli tarkibiy qismga ega emasligi tufayli ham bir qator afzalliklari bilan ajralib turadi:

• Virtual smart-karta plastik smart-kartalar, oʻquvchi qurilma, USB-token sotib olish, unga xizmat koʻrsatish va almashtirish kabi xarajatlarni talab qilmaydi.
• Virtual smart-kartani ulash uchun boʻsh USB-port kerak emas.
• Virtual smart-kartani unutib qoʻyish, yoʻqotish yoki hamkasblarga berish (misol uchun, ish joyida ekanligini bildirish uchun) mumkin emas.
• Virtual smart-karta masofadan turib olinadi va xodim yoki administratorning shaxsan tashrif buyurishini talab qilmaydi.

Yana qarang

• Autentifikatsiya
• Ochiq kalitlar infratuzilmasi
• Yagona kirish texnologiyasi
• Token (avtorizatsiya)
• Elektron imzo

Havolalar

• Виртуальная смарт-карта Indeed Enterprise AirKey (Wayback Machine saytida 2016-11-14 sanasida arxivlangan)
• Новые возможности смарт-карт в Windows Server 2012, Windows 8 и Windows RT
• Приложение для смартфона КриптоПро AirKey, эмулирующее традиционную смарт-карту (Wayback Machine saytida 2015-12-23 sanasida arxivlangan)
• Программный аутентификатор eToken Virtual (Wayback Machine saytida 2016-12-24 sanasida arxivlangan)
• Технология сетевой виртуальной смарт-карты