Xodi Zarifov

Xodi Tillayevich Zarifov (20.03.1900, Toshkent – 1972.1.13, Toshkent) – oʻzbek sovet adabiyotshunosi va folklorshunosi. Filologiya fanlari doktori. Oʻzbekiston SSRda xizmat koʻrsatgan fan arbobi.

Xodi Tillayevich Zarifov
Tavalludi	20-mart 1900-yil Toshkent, Rossiya imperiyasi
Vafoti	13-yanvar 1972-yil(1972-01-13) (71 yoshda) Toshkent, SSSR
Fuqaroligi	SSSR
Sohasi	Folklorshunoslik, Adabiyot
Ilmiy darajasi	Filologiya fanlari doktori
Mukofotlari

Tarjimai holi

1900-yil 20-martda Toshkentda tugʻilgan. Oʻzbekiston SSRda xizmat koʻrsatgan fan arbobi (1967), filologiya fanlari doktori (1965), professor (1967). Anʼanaviy va yangi usuldagi maktablarda tahsil olgan. Bokudagi oʻqituvchilar institutini tugatgan (1923—1926). Oʻzbekiston SSR taʼlim va madaniyat tizimida mehnat qilgan. 1931—1934-yillar Madaniy qurilish institutida etnografiya boʻlimini boshqargan, shuningdek, 1934-yilda Oʻzbekiston Fanlar akademiyasi filologiya boʻlimi negizida tashkil etilgan Til va adabiyot institutida va Madaniy qurilish ilmiy-tadqiqot institutida ishlagan (1931—1933). 1939-yilda institut Til, adabiyot va tarix instituti sifatida qayta tashkil etilgan. 1944—1948-yillarda direktor, rahbar (1956-1965; 1960-1972), direktor oʻrinbosari (1955—1962) boʻlib ishladi. A. Navoiy nomidagi Adabiyot muzeyining birinchi direktori.

Xodi Tillayevich xalq ogʻzaki ijodiga, ayniqsa dostonlarga alohida eʼtibor qaratgan, shuningdek ularni toʻplash, nashr ettirish hamda asl holicha kelajak avlodga yetkazishda alohida urgʻu bergan. Qolaversa, Oʻzbek xalq ogʻzaki ijodiga oid toʻplagan manbalarini tizimlashtirdi. Viktor Jirmunskiy bilan hammualliflikda oʻzbek xalqi epik ijodining rivojlanish tarixiga bagʻishlangan „Oʻzbek xalq qahramonlik eposi“ (1947) kitobini nashrdan chiqardi.

V. M. Jirmunskiy va X. T. Zarifovlarning „Oʻzbek xalq qahramonlik eposi“ asari oʻzbek xalq ogʻzaki ijodining asosiy debochasi va poydevori edi. Olimlar Oʻzbekistonning Bulungʻur, Qoʻrgʻon, Xorazm, Sherobod va boshqa viloyat va mahallalarda oʻziga xos dostonchilik maktablari mavjudligini aniqlashga muvaffaq boʻlgan.

Beruniy nomidagi OʻzSSR Davlat mukofoti laureati (1973).

1972-yilda Toshkentda vafot etgan.

Havolalar

http://taqvim.uz/uzc/event/view/2815 (Wayback Machine saytida 2019-12-25 sanasida arxivlangan) Arxivnaya kopiya