Xol (teri)

Bu atamaning boshqa maʼnolari ham mavjud. Qarang: Xol (maʼnolari).

Xol — terining tugʻma nuqsoni, ayrim hujayralarning zoʻr berib oʻsishi. Tomirli, pigmentli, soʻgalli va boshqaX.lar boʻladi. Tomirli X. teri tomirlarining kengayishidan vujudga keladi. U kattakichik, chetlari notekis, qizgʻish yoki koʻkimtirqizgʻish tusda, usti gʻadirbudur, sergʻovak, shakli yassi, yapaloq yoki tugunchali boʻladi. Pigmentli X. melanin pigmenti bor hujayralardan, teri nervlari qobigʻining hujayralaridan vujudga keladi. X.ning soni va kattaligi turlicha: jigarrang yuzasi silliq yoki soʻgalsimon. Pigmentli X. yuzasida koʻpincha tuklar boʻladi. Soʻgalli X. qoʻngʻir tusli soʻgallar koʻrinishida koʻzga tashlanadi.

X.ni turli shikastlanishlardan va quyosh nuridan saqlash kerak. Pigmentatsiya kuchayganda yoki kamayganda, shuningdek, X. kattalashganda tezda vrachga murojaat kilish kerak.

Ushbu maqola chaladir. Siz uni boyitib, Vikipediyaga yordam berishingiz mumkin.
Bu andozani aniqrogʻiga almashtirish kerak.

Bu maqolada boshqa til boʻlimlariga ishorat yoʻq.
Siz ularni topib va ushbu maqolaga qoʻshib, loyihaga yordam berishingiz mumkin.

Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan.