Xurmodoshlar

Xurmodoshlar, safsandoshlar (Ebenaceae) — tropik va subtropiklarda keng tarqalgan oʻsimliklar oilasi. Daraxt yoki buta. Barglari oddiy va etli. Gullari, koʻpincha, ayrim jinsli va ikki uyli. Changchisi kup, 1 yoki 2 doyra boʻlib joylashgan. Urugʻchisi 2 — 16 mevabargli, koʻp uyali. Mevasi rezavor. X. 5 turkum (300 tur)dan iborat. Oʻzbekistonda X.ning bitta yovvoyi turi va bir nechta madaniy navlari bor.