Yugoslaviya — Janubiy Yevropadagi davlat (2003-yilgacha mavjud boʻlgan). Serblar, xorvatlar, slovenlar qirolligi negizida 1929-yil tashkil topgan. Serbiya, Xorvatiya, Sloveniya, Bosniya va Gersegovina, Makedoniya, Chernogoriya uning tarkibida boʻlgan. 1929-yil yanvarda Yu.da harbiymonarxiya diktaturasi qaror topgan. 1941-yil martda Yu. hukumati fashistik davlatlar tomonidan tuzilgan Berlin pakti (1940-yil 7 sentabrda tuzilgan) ga qoʻshildi. Bu Yu.da keng norozilik harakatiga sabab boʻldi; 27 martda fashistik hukumat agʻdarildi. 1941-yil 6 aprelda Yu.ga fashistlar Germaniyasi hujum qildi va mamlakat hududi Germaniya okkupatsiyasi zonalariga boʻlindi. Xalq ozodlik kurashi avj oldi. Mamlakatning shim.sharkiy qismi 1944-yil ozod etildi. 1945-yil 15 mayda Yu. armiyasi Yu.ni fashistlardan ozod qilishni nihoyasiga yetkazdi. 1945-yil 29 noyabrda Yu. Federativ Xalq Respublikasi (YUFXR) eʼlon qilindi. 1946-yil 31 yanvarda YUFXR konstitutsiyasi tasdiqlandi. 1963-yilda qabul qilingan konstitutsiya boʻyicha mamlakat Yu. Sotsialistik Federativ Respublikasi (YUSFR) deb nomlandi. Hokimiyat tepasida Yu. Kommunistlar Ittifoqi turdi. Yu.da oʻzinioʻzi boshqarish asosidagi sotsializmning Yugoslaviya modelini qurish vazifasi qoʻyildi. 1980-y.lardan mamlakat ogʻir iqtisodiy va siyosiy qiyinchiliklarga duch keldi. 1991-yil YUSFR parchalanib ketdi. Sloveniya, Xorvatiya, Bosniya va Gersegovina, Makedoniya federatsiya tarkibidan chiqib ketdi va mustaqil davlatlarga aylandi. 1992-yil Serbiya bilan Chernogoriya Yu. Ittifoq Respublikasini tuzdilar. 2003-yil 4 fevral dan bu davlat Serbiya va Chernogoriya deb atala boshladi.

Bayroqning o'rtasida joylashgan qizil yulduz kommunizmni anglatadi.[1]




  1. Map Universal, History, Facts, Breakup and Map of Yugoslavia Arxivlandi 2019-01-02 Wayback Machine saytida.