Yustinian I

Yustinian I (taxminan 482 yoxud 483, Taurisiy, Yuqori Makedoniya — 565.14.11, Konstantinopol) — Vizantiya imperatori (527 yildan). Imperatorning mutlaq hokimiyatini oʻrnatish, quldorlikni mustahkamlashga qaratilgan siyosat yurgizgan. Oʻrta tabaqa yer egalariga va quldorlarga tayangan, pravoslav cherkovidan koʻmak izlagan. Yu.1 ning qonun chiqarish va maʼmuriy islohotlari Vizantiya imperiyasining mustahkamlanishiga olib kelgan. Yu.1 keng miqyosda bosqinchilik siyosatini yurgizgan. Yu.1 davrida ulkan qurilish ishlari olib borilgan, Konstantinopolda Avliyo Sofiya ibodatxonasi bunyod etilgan.