Zikir Muhammadjonov
Zikir Muhammadjonov (1-yanvar, 1921[1] — 23-avgust, 2012) oʻzbek artisti, teatr va kino aktyori boʻlgan. Zikir Muhammadjonov 70 yildan koʻproq Oʻzbek Akademik drama teatrida ishlab, yuzdan ortiq rollarni ijro etgan.[2]
| Zikir Muhammadjonovich Muhammadjonov | |
|---|---|
 | |
| Tavalludi |
1-yanvar 1923-yil |
| Vafoti |
23-avgust 2012-yil (91 yoshda) Toshkent, Oʻzbekiston |
| Fuqaroligi |
 Oʻzbekiston |
| Kasbi | Aktyor |
| Faoliyat yillari | 1938—2012 |
| Yoʻnalish | Aktyorlik |
| Mukofotlari |
       |
Zikir Muhammadjonov 2012-yil 23-avgustida vafot etdi.[2][3]
Muhammadjonov Zikir (Zokir) (1921.1.1, Toshkent) — Oʻzbekiston xalq artisti (1962). Oʻzbekiston Qahramoni (2003). Toshkent teatr va rassomlik sanʼati institutini tugatgan (1949). 1938-yildan Hamza teatri (hozirgi Oʻzbek milliy akademik drama teatri)da aktyor. 1977—82 yillar Oʻzbekiston Teatr arboblari uyushmasining raisi. M. keng qamrovli aktyor boʻlib, spektaklda, kino va televideniyeda jahon dramaturgiyasining mumtoz namunalarida, oʻzbek adiblarining umuminsoniy mavzularidagi asarlarida obrazlarni maxrrat bilan yaratgan. Ferdinand ("Makr va muhabbat"), Jaloliddin ("Jaloliddin Manguberdi"), Abdullatif ("Mirzo Ulugʻbek"), Navoiy ("Alisher Navoiy"), Goratsio ("Hamlet"), Kassio ("Otello"), Furqat ("Furqat"), Yedi-gey ("Asrga tatigulik kun"), Samandar ("Samandar"), Sintaro ("Oʻgʻirlangan umr"), Oktaviya Sezar ("Yuliy Sezar"), Dehqonboy (Shoqi soʻzana"), Jabborov ("Parvoz"), Yusufbek hoji ("Oʻtgan kunlar"), Beruniy ("Abu Rayxrn Beruniy") kabi rollarida M.ning oʻziga xos ijod nafasi ovozdagi joʻshqin ehtiros, fikran teranlik va vazminlik bilan toʻldirilib, imkoniyat kuchi namoyon boʻlgan. M. bir qancha filmlarda (Maksud, "Fidoyi"; professor Karimov, "Koniyut gʻorining siri"; Shoh Baxrom, "Dilorom"; Junaidxon, "Uzoq-yaqin yillar"; Yusuf, "Alibobo va qirq qaroqchi" va boshqalar) ham suratga tushgan. Ayniqsa, "General Rahimov" filmidagi Sobir Raximov roli aloxdda oʻrin tutadi. Generalga xos joʻshqinlik, shijoat, jasurlik, bagʻri kenglik M. ijrosida oʻz aksini toʻla topa olgan. Aktyor videofilm va telespektakllarda qam bir qancha obrazlar yaratgan: Ulugʻbek ("Ulugʻbek xazinasi"), Husayn Boyqaro ("Alisher Navoiy"), Isomiddin aka ("Yer farzandi"), professor Komilov ("Imon") va boshqa shular jumlasidan. Bir qancha chet el filmlarida ham suratga tushgan. M. yaratgan obrazlar kuchli psixologik dramatizmi, romantik koʻtarinkiligi bilan ajralib turadi. "Shuxrat" medali (1994), "Doʻstlik" (1996), "Buyuk xizmatlari uchun" (1998) ordenlari bilan takdirlangan.[4]
Manbalar
tahrir- ↑ Мухамеджанов Зикир Мухамеджанович[sayt ishlamaydi], uzbekkino.uz
- ↑ 2,0 2,1 Zikir Muhammadjonov olamdan oʻtdi (Wayback Machine saytida 2015-05-02 sanasida arxivlangan), kun.uz
- ↑ Скончался Герой Узбекистана Зикир Мухамеджанов (Wayback Machine saytida 2012-11-20 sanasida arxivlangan), 12news.uz
- ↑ Zikir Muhammadjonov[sayt ishlamaydi] ZiyoNet'da
Havolalar
tahrir| Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 |