Boshlangʻich rubob darsligi
„Boshlangʻich rubob darsligi“ — oʻzbek musiqachisi Qobiljon Usmonov qalamiga mansub rubob chalishni oʻrgatuvchi qoʻllanma. Ilk bor 1975-yil Toshkent shahrida „Oʻqituvchi“ nashriyoti tomonidan chop etilgan.[1] 1995-yil qayta nashr qilingan. Qoʻllanma maktab va maktabdan tashqari muassasalardagi musiqa toʻgaraklari hamda musiqa bilim yurtlari uchun moʻljallangan.
| Muallif(lar) | Qobiljon Usmonov |
|---|---|
| Til | oʻzbekcha |
| Janr(lar)i | musiqa |
| Nashr etilgan sanasi | 1975 |
| Nashriyot | „Oʻqituvchi“ |
| Sahifalar soni | 151 |
Qoʻllanma uch qismdan iborat boʻlib, birinchi qismda asbobning kelib chiqishi va uni chalishni oʻrganish metodlari haqida soʻz yuritiladi; ikkinchi qismdan mashqlar, gammalar va etyudlar oʻrin olgan; nihoyat, yakuniy qismda rubob uchun maxsus yozilgan asarlar keltirilgan.
Qoʻllanmani nashrga tayyorlashda quyidagi shaxslar ishtirok etgan: L. Qoʻldoshev, H. Ahmadjonov — muharrirlar, H. Ahmadjonov — badiiy muharrir, A. Osheyko — musiqa rassomi, T. Skiba — texnik muharrir, D. Abdullayeva — musahhih. Kitob adadi — 10 000 nusxa.
Manbalar tahrir
- ↑ „Boshlangʻich rubob darsligi“ (ruscha). Rossiya davlat kutubxonasi. Qaraldi: 2020-yil 7-dekabr.
 |