Sariq (shaharcha)
Sariq — Surxondaryo viloyati Qiziriq tumanidagi shaharcha (1992-yildan), tuman markazi. Yakin t.i. stansiyasi — Surxon (32 km). Viloyat markazi (Termiz sh.)dan 70 km, Katta Oʻzbekiston traktidan 20 km. Angor — Sarik, avtomobil yoʻli shaharchani kesib oʻtgan. Aholisi 13,7 ming kishidan ziyod (2003). Aholisi va xoʻjaliklari Surxondaryodan suv oladi.
"Sariq" nomi ushbu yerda oʻzbeklarning qoʻngʻirotqoʻshtamgʻali urugʻining "sariq" shoxobchasi vakillari yashagani bilan bogʻliq. S.da davlat va maʼmuriy tashkilotlar, paxta tozalash zavodi, savdo, maishiy xizmat koʻrsatish shoxobchalari bor. 6 umumiy taʼlim maktabi, internatmaktabi, kasb-hunar kolleji, 10 kutubxona, 2 klub mavjud. Markaziy tuman kasalxonasi, bolalar kasalxonasi, tez tibbiy yordam koʻrsatish boʻlimi, kattalar poliklinikasi, sogʻlomlashtirish markazi, yuqumli kasalliklar kasalxonasi va 9 ta dorixona aholiga xizmat koʻrsatadi.[1]
Manbalar tahrir
| Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Bu andozani aniqrogʻiga almashtirish kerak. |