Shirin Meliyeva
Shirin (Sora) Yuldoshevna Meliyeva (1921.25.2—Kattaqoʻrgʻon — 2001.16.4) — aktrisa, rejissor Oʻzbekiston xalq artista (1964). 1937-yildan Katta-qoʻrgʻon teatrida aktrisa, rejissor (1948—1978 yillar direktor). Sahnada Xonzoda, Hojiona ("Boy ila xizmatchi"), Xolisxon ("Xolisxon"), Maysara ("Maysaraning ishi"), Kime ("Nurxon"), Martena ("Zoʻraki tabib"), Agafya Tixonovna ("Uylanish"), Farmonbibi ("Kelinlar qoʻzgʻoloni"), Ona ("Qonli toʻy") kabi yuzdan ortiq obrazlar yaratgan. Qaxramonlarning ichki ruhiy holatlarini yorqin va ishonarli talqin etish, turli qarashlar oʻrtasidagi ziddiyatlarni kuchli e'tirozlar orqali namoyish etish Meliyeva ijodiga xosdir. Rejissor sifatida "Adolat" (I. Akromov), "Xolisxon" (Hamza), "Surmaxon" (B. Rahmonov), "Bahs" (M. Bayjiyev), "Ona" (S. Zunnunova), "Ogʻriq tishlar" (A. Qahhor) kabi spektakllarni sahnalashtirgan. "Elyurt hurmati" ordeni bilan taqdirlangan (1999).[1]
Shirin Meliyeva | |
---|---|
Tavalludi |
25-fevral 1921-yil |
Vafoti |
16-aprel 2001-yil (80 yoshda) Samarqand |
Mukofotlari |
Manbalar tahrir
Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |