Abdulla Sher
Abdulla Sherov (1943-yil 5-avgust; Toshkent viloyati Chinoz tumani) — shoir, tarjimon va olim. Oʻzbekiston jurnalistlari ijodiy uyushmasi hamda Oʻzbekiston Yozuvchilar uyushmasi aʼzosi.
| Abdulla Sherov | |
|---|---|
 | |
| Tavalludi |
5-avgust 1943-yil |
| Kasbi | Shoir, tarjimon, olim |
| Ijod qilgan tillari | oʻzbek tili |
| Fuqaroligi |
.svg){kind=small} O‘zbekiston SSR Oʻzbekiston |
| Mukofotlari |
  |
Hayoti va faoliyati
tahrirAbdulla Sherov 1943-yilda Toshkent viloyatining Chinoz tumanidagi Yoʻltushgan qishlogʻida, hunarmand-misgar oilasida tug‘ilgan. 1960-yil oʻrta maktabni tamomlab, avval boshlangʻich sinf oʻqituvchisi, keyin „Lenin bayrogʻi“ tuman gazetasida adabiy xodim boʻlib ishlagan. 1970-yilda Toshkent Davlat universitetining jurnalistika fakultetini tugatgan. 1969-yildan boshlab „Guliston“ jurnali va „Oʻzbekiston Fizkulturachisi“ gazetasida turli lavozimlarda ishlagan. 1981-yilda Moskvada Oliy adabiyot kursini tamomlagan. Oʻsha yili shoir „Yoshlik“ jurnalida masʼul kotib lavozimida oʻz faoliyatini boshlagan[1]. 1984-yildan Yozuvchilar uyushmasi birinchi kotibi oʻrinbosari, Yozuvchilar uyushmasining Toshkent viloyati boʻlimi masʼul kotibi lavozimlarida ishlagan. 1989-yildan boshlab, 22 yil davomida Abdulla Sher Oʻzbekiston Milliy universitetida oʻqituvchi, dotsent, kafedra mudiri lavozimlarida faoliyat yuritgan. 2023-yilda shoirning 80 yilligi keng nishonlangan[2].
Ijodi
tahrirAbdulla Sher 1958-yilda ijodga kirib kelgan. 1959-yilda ilk sheʼri matbuotda eʼlon qilingan. 1973-yilda shoirning ilk sheʼriy toʻplami „Koʻklam tabassumi“ nomi bilan nashr etilgan. Shundan keyin birin-ketin „Alyor“, „Atirgul soyasi“, „Roz“, „Kuz hiloli“, „Qadimgi kuy“, „Nuqtadan soʻng“, „Toqat“, „Yonayotgan yoʻl“, „Yomgʻirlar oralab“, „Sarbast qoʻshiqlar“, „Sevgi olmoshi“, „Sevilmagan mening sevgilim“, „Gul yillar, bulbul yillar“ kabi sheʼriy va „Asrlarning asraganlari“ nomli nasriy asarlari nashrdan chiqqan. Shoir tarjima sohasiga ham oʻz hissasini qoʻshgan. Jumladan, Bayronning „Don Juan“, Heinrich Heinening „Qoʻshiqlar kitobi“ asarlarini olmonchadan tarjima qilgan. Rus tilidan Pushkin, Lermontov, Nekrasov, Axmatova, Charents, Tvardovskiy kabi shoirlarning sheʼrlarini oʻzbek tiliga oʻgirgan. Bundan tashqari shoirning sheʼrlari ham rus, litva, ingliz, ispan, ozarbayjon, turk, qozoq, qrim tatar kabi bir qator tillarga tarjima qilingan. Shuningdek, u "Axloqshunoslik" va "Estetika" fanlaridan oʻquv qoʻllanmalar va darsliklar muallifi. Quyida shoir ijodidan namuna:
|
* * * |
|
Mukofotlari
tahrirShoir 1975-yildan Oʻzbekiston jurnalistlari ijodiy uyushmasi va 1977-yildan Oʻzbekiston Yozuvchilar uyushmasi aʼzosi[3]. Abdulla Sher 2000-yilda Oliy ta’lim a’lochisi koʻkraknishoni bilan taqdirlangan. 2023-yilda shoirga Oʻzbekiston xalq shoiri unvoni berilgan[4][5][6][7].
Manbalar
tahrir- ↑ „Abdulla Sher. She’rlar“. kh-davron.uz. Qaraldi: 27-avgust 2023-yil.
- ↑ „Гўзаллик ҳадя этувчи ижодкор“. uza.uz. Qaraldi: 4-dekabr 2023-yil.
- ↑ „Абдулла Шер (1943)“. ziyouz.uz. Qaraldi: 10-sentabr 2023-yil.
- ↑ „Президент фан, таълим, соғлиқни сақлаш, адабиёт, маданият, санъат соҳалари ва ОАВ ходимларини мукофотлади“. xabar.uz. Qaraldi: 26-avgust 2023-yil.
- ↑ „Prezident fan, taʼlim, sogʻliqni saqlash, adabiyot, madaniyat, sanʼat sohalari va OAV xodimlarini mukofotladi“. oyina.uz. Qaraldi: 26-avgust 2023-yil.
- ↑ „O‘zbekiston Respublikasi mustaqilligining o‘ttiz ikki yilligi munosabati bilan fan, ta’lim, sog‘liqni saqlash, adabiyot, madaniyat, san’at sohalari va ommaviy axborot vositalari xodimlaridan bir guruhini mukofotlash to‘g‘risida“. uza.uz. Qaraldi: 26-avgust 2023-yil.
- ↑ „Мустақиллик байрами арафасида таълим, соғлиқни сақлаш ва маданият соҳалари ходимлари мукофотланди“. kun.uz. Qaraldi: 31-avgust 2023-yil.
|
Bu maqolada boshqa til boʻlimlariga ishorat yoʻq. Siz ularni topib va ushbu maqolaga qoʻshib, loyihaga yordam berishingiz mumkin. |