Abdulloh ibn Muhammad Gʻubdiniy

Abdulloh ibn Muhammad Gʻubdiniy – (X—XI asrlar) muhaddis. Toʻliq ismi Abu Muhammad Abdulloh ibn Muhammad ibn Amr ibn Muhammad ibn Muhammad ibn Hoshim Gʻubdiniy

Hayoti va faoliyati

Abdulloh ibn Muhammad Gʻubdiniy Ustrushananing „Gʻubdin“ qishlogʻida tavallud topgan. Ota-onasi bilan yoshlik chogʻida Buxoroga koʻchib boradi va shu yerda muqim yashab qoladi. Abdulloh ibn Muhammad Gʻubdiniy xat-savodini Buxoroda chiqarib, yetuk muhaddis darajasiga koʻtariladi. Abdulloh ibn Muhammad Gʻubdiniy hadislarni Ibn Solih Xalaf ibn Muhammad ibn Ismoil Xayyom, Abu Said Xalil ibn Ahmad Sijziy va Abu Amr Muhammad ibn Sobirlardan rivoyat qilgan. Abdulloh ibn Muhammad Gʻudbiydan hadislarni oʻz davrida yigirma ming hadis yodlagan hofiz Abu Turob Ismoil ibn Tohir Harifiy rivoyat qilgan.

Vafoti

Abdulloh ibn Muhammad Gʻubdiniy 420-hijriy (milodiy 1029-yil)dan keyin Buxoroda vafot etgan^[1].

Adabiyotlar

Sam’oiy, „Al-ansob“. 4-jild, 317-bet; Atayev M., „Jizzax allomalari“, 89-bet.

Manbalar

↑ Oʻrta asr sharq allomalari va mutafakkirlarining tarixiy-falsafiy merosi ensiklopediyasi. «Imom Buxoriy xalqaro markazi» [2016] — 522-bet.

Bu maqolada boshqa til boʻlimlariga ishorat yoʻq.
Siz ularni topib va ushbu maqolaga qoʻshib, loyihaga yordam berishingiz mumkin.

[1] Oʻrta asr sharq allomalari va mutafakkirlarining tarixiy-falsafiy merosi ensiklopediyasi. «Imom Buxoriy xalqaro markazi» [2016] — 522-bet.

[1]