Bosh menuni ochish

Muhitdinov Abdulqodir (1892, Buxoro — 1934.1.6, Toshkent) — Buxorodagi jadidchilik harakati namoyandasi, siyosat arbobi. Boshlangʻich taʼlimni Buxoroda olgach, Istanbul madrasasida oʻqidi. Otasi yirik savdogar Mirza Muhitdin Mansurov ilk jadid gaz. "Buxoroyi sharif"ni moddiy jihatdan taʼminlab turgan, yangi usul maktablariga homiylik qilgan. M.ning ilk maqolalari Orenburgdagi "Vaqt" gaz.da eʼlon qilingan (1910).

Buxoroda 1917 yil aprel namoyishiayan keyin yo’sh buxoroliklar partiyasi MKga aʼzo boʻldi. Kolesov voqeasshxsh keyin Samarqand, Toshkent, Moskvada muhojirlikda yashagan. Turkiston musulmonlari byurosi aʼzosi (1919—20). "Qu-tulish" gaz. muharriri (1920). Buxoro inqilobiy koʻmitasi raisi, BXSR deqqonchilik noziri (1920—21). BXSR ning dastlabki Konstitutsiyasini ishlab chiqishda qatnashgan, Buxoroda yersuv islohoti oʻtkazilishi tashkilotchilaridan biri. M. BXSR ning xorijiy mamlakatlar bilan Rossiya vositachiligisiz mustaqil aloqa oʻrnatish, bosqinchi qizil armiyani olib chiqib ketish, xalq militsiyasi singari milliy armiya tuzishni qatʼiy talab qilgan. 1921— 24 yillarda BXSR savdo va sanoat vaziri, Buxoro Xalq xoʻjaligi Oliy kengashi raisi, Buxoro Iqtisodiy kengashi raisi, BXSR nozirlar shoʻrosi raisining 2-muovini lavozimlarida ishlagan. Oʻrta Osiyoda milliy hududiy chegaralanish oʻtkazilib, Oʻzbekiston SSR tarkibida Tojikiston ASSR tashkil qilingach, M. Tojikiston ASSR Xalq Komissarlari Soveta raisi qilib tayinlandi (1925—29). Tojikiston SSR tuzilgach, u Oʻzbekiston SSR taʼminot Xalq Komissarligida ishladi. 1933 yil 21 avg .da sovet rejimi tomonidan M. qamoqqa olinib, unga "burjua millatchisi" tam-gʻasi yopishtirildi va 1934 yil 1 iyunda otib tashlandi.

AdabiyotTahrirlash

  • Ayniy S, Buxoro inqilobi tarixi uchun materiallar, M., 1926; Rajabov K,., Buxoroga qizil armiya bosqini va unga karshi kurash, T., 2002.