Abdulrahmon ibn Abdulloh al-Arhabiy
Abdulrahmon ibn Abdulloh al-Arhabiy (arabcha: عبدالرحمن بن عبدالله ارحبی) – Karbaloda shahid boʻlgan jangchilardan biri.
Abdulrahmon ibn Abdullah al-Arhabiy عبدالرحمن بن عبدالله ارحبی | |
|---|---|
| Shaxsiy maʼlumotlar | |
| Vafoti | milodiy 680-yil 10-oktyabr (hijriy 61-yil Muharram oyining 10-kuni) |
| Oʻlim sababi | Karbalo jangida oʻldirilgan |
| Karbalo, Iroq | |
| Dini | Islom |
| Tanilgan sohasi | Husayn ibn Alining hamrohi |
Nasabi
tahrirAbdulrahmon Abdulloh al-Arhabiyning oʻgʻli boʻlgan. Arhab shialarning Banu Hamdon qabilasi mashhur tarmoqlaridan biri edi[1]. Abdulrahmon Kufada[2] yuqori nufuzga ega shaxs boʻlib, Ali ibn Abu Tolib[2] va Husayn ibn Alining hamrohlaridan edi[3]. Uning ismi Abdulrahmon al-Kudariy[4], Abdulrahmon ibn Abdulloh al-Arhabiy[5] va Abdulrahmon ibn Ubayd al-Arhabiy deb ham tilga olingan[6].
Kufaga safari
tahrirHusayn ibn Ali Yazid I ga bay’at qilishdan bosh tortib, Makkaga borgach, Kufa ahli Husaynni u yerga taklif qilish uchun xat yozgan. Abdulrahmon ibn Abdulloh va Qays ibn Mushir Kufa ahli tomonidan 53 ta[7], boshqa bir manbaga koʻra esa, Husaynga yuborilgan 153 yoki 50 ta maktubda nomi keltirilganlardan boʻlgan[8]. Bu maktublarning umumiy mazmuni uni Kufaga borishga chorlash edi. Ular Makkaga hijriy 60-yil Ramazon oyining 10 yoki 12-kuni (milodiy 680-yil iyul) kirib borganlar[9].
Kufaliklarning maktublariga javoban Husayn ularning qay darajada yordam bera olishini aniqlash maqsadida Muslim ibn Oqilni Kufaga joʻnatishga qaror qilgan. Muslim ibn Oqilning Kufaga qilgan safarida unga Qays ibn Mushir as-Saydaviy, Abdulrahmon ibn Abdulloh va Umarat ibn Ubayd as-Saluliylar hamrohlik qilgan[10]. Muslim ibn Oqil shahid boʻlgach, Abdulrahmon Kufadan yashirincha chiqib, Husaynning karvoniga qoʻshilgan[11].
Karbalo jangidagi ishtiroki
tahrirAshuro kuni Abdulrahmon Umar ibn Saʼd qoʻshinining bir qancha askarlarini yarador qilgan va oʻldirgan. U dushmanning birinchi hujumidan shahid boʻlganlar qatorida sanaladi[12]. Banu Asad uning jasadini boshqa Karbalo jangi shahidlari bilan birgalikda shahidlar qabriga dafn qilgan. Uning nomi „Ziyora an-Nahiya al-Muqaddasa“da Abdulrahmon ibn Abdulloh ibn al-Kudoriy al-Arhabiy deya tilga olingan[13].
Manbalar
tahrir- ↑ al-Rassan. Tasmiya man qutil ma'a l-Husayn — 96-bet.
- ↑ 2,0 2,1 Muḥammad ibn Ṭāhir, Samāwī. Ibṣār al-ʻayn fī inṣār al-Ḥusayn — 131-bet.
- ↑ Ṭūsī. al-Rijāl — 103-bet.
- ↑ Z̲abīḥ A. Maḥallātī.. Fursān al-hayjā — 234-bet.
- ↑ Mufīd. al-Irshād — 37-39-bet.
- ↑ Abū Ḥanīfah Aḥmad ibn Dāwūd al-Dīnawarī. al-Akhbār al-ṭiwāl — 229-bet.
- ↑ Tabari. Tarikh tabari — 352-bet.
- ↑ Abū Ḥanīfah Aḥmad ibn Dāwūd al-Dīnawarī. al-Akhbār al-ṭiwāl — 229-bet.
- ↑ Mofid. Al Irshad — 37-bet.
- ↑ Mofid. Al irshad — 48-bet.
- ↑ Mofid. Al irshad — 39-bet.
- ↑ Muḥammad ibn ʻAlī Ibn Shahrāshūb. Manāqib Āl Abī Ṭālib — 260-bet.
- ↑ Majlisi. Bihar Al-anwar — 73-bet.