Ramazon

Bu maqola oy haqidadir. Mavzuning boshqa maʼnolari uchun Ramazon (maʼnolari) sahifasiga qarang.

Ramazon (arabcha: رمضان‎‎ [ra.ma.dˤaːn]) – hijriy yil hisobining 9 oyi. Islom dinida ramazon oyida Alloh Muhammad paygʻambar Qurʼonni vahiy qila boshlagan, deb talqin etiladi. Shu sababli ramazon muqaddas oy hisoblanadi, bu oy davomida musulmonlarga roʻza tutish buyuriladi. Shuningdek, ramazon arablarda islomdan avvalgi 4 muqaddas oydan biri; dastlab yoz fasliga toʻgʻri kelgan. Islom dini joriy etilishi arafasida Makkada ramazon oyida yaxshi amallar qilish (tahannus) anʼana boʻlgan. Ramazon oyining 27-kuniga oʻtar kechasi Muhammad paygʻambarga Qurʼon nozil qilingan (qarang Laylatul-qadr). Ramazon oyida roʻza tutish hijraning 2 yili joriy etilgan. Musulmon mamlakatlarida ramazonga oid marosim va anʼanalar har bir oʻlkaning oʻziga xos urf-odatlaridan kelib chiqqan holda oʻtkaziladi^[1].

Etimologiyasi

Ramazon soʻzi „ramz“ soʻzidan olingan „qizimoq“, „qizib choʻgʻ boʻlmoq“, „kuydirmoq“ maʼnolarni bildiradi^[2].

Manbalar

↑ „Ramazon“, Oʻzbekiston milliy ensiklopediyasi (R-harfi). Toshkent: „Oʻzbekiston milliy ensiklopediyasi“ Davlat ilmiy nashriyoti, 2000–2006-yillar.
↑ Fayzullo Yahyoyev. „“Ramazon aytib keldik eshigingizga...” – bolalarning sevimli “Yo ramazon” qo‘shiqlari haqida nimalarni bilamiz?“. UZA (2022-yil 11-aprel). Qaraldi: 2025-yil 4-mart.

Havolalar

Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan.

Islom diniga oid ushbu maqola chaladir. Siz uni boyitib, Vikipediyaga yordam berishingiz mumkin.

Islomiy taqvim

[1] „Ramazon“, Oʻzbekiston milliy ensiklopediyasi (R-harfi). Toshkent: „Oʻzbekiston milliy ensiklopediyasi“ Davlat ilmiy nashriyoti, 2000–2006-yillar.

[2] Fayzullo Yahyoyev. „“Ramazon aytib keldik eshigingizga...” – bolalarning sevimli “Yo ramazon” qo‘shiqlari haqida nimalarni bilamiz?“. UZA (2022-yil 11-aprel). Qaraldi: 2025-yil 4-mart.

[1]

[2]