Abu Lays Zovariy
Abu Lays Zovariy (arabcha: أبو الليث الزاوري — Abu Lays Nasr ibn Sayyor ibn Fath Zovariy Samarqandiy) — roviy.
Abu Lays Zovariy | |
---|---|
Shaxsiy maʼlumotlar | |
Dini | Islom |
Tanilgan sohasi | roviy |
Abu Lays Zovari Oʻrta asrlarda Ishtixon shahriga qarashli Zovar qishlog‘ida tugʻilgan. Uning bolaligi tugʻilib oʻsgan qishlogʻi Zovarda oʻtgan. Boshlangʻich taʼlimni ham shu yerda olgan.
Ustozlari
tahrirKeyinchalik Abu Lays Zovariy „Sunani Dorimiy“ kitobining sohibi Abu Muhammad Abdulloh ibn Abdurahmon Dorimiy va Abd ibn Humayd Keshiy, Saʼid ibn Abu Zaydun, Ahmad ibn Sinon Qatton va Yunus ibn Abdulaʼlo Sadafiy kabi muhaddislardan hadis ilmi borasida taʼlim olgan va ulardan hadislar eshitgan, yozib olgan hamda rivoyat qilgan[1].
Ilmiy safari
tahrirU ilm talabida Xuroson, Iroq, Misr kabi bir qancha mamlakatlarga safar qilgan. Ushbu oʻlkalarda hadis ilmining sir-sinoatlarini puxta oʻzlashtirgan.
Shogirdlari
tahrirOʻz navbatida Nasr ibn Sayyor Zovariydan Abu Amr Muhammad ibn Ishoq Usfuriy va Abu Yahyo Ahmad ibn Muhammad ibn Ibrohim Karbisiy kabi allomalar hadislar rivoyat qilganlar. Manbalarda Abu Lays Zovariyning oʻz zamonasining taniqli hadis roviylaridan hisoblanganligi, ilm olishga harakati va ishtiyoqi juda kuchli boʻlganligi taʼkidlangan va shu bois koʻp ilm oʻrganib, kitoblar tasnif qilganligi qayd etilgan. Afsusuki, u tomonidan tasnif etilgan kitoblari bizgacha etib kelmagan.[2]
Vafoti
tahrirAbu Lays Zovariy 294/907 yil vafot etgan[3].