Abulhusayn Jahzam Hamadoniy

Abulhusayn Jahzam Hamadoniy Ali bin Abdulloh bin Hasan (vaf. 1023) – “Nasoyim ul-muhabbat”da tilga olingan tasavvuf shayxi. Ali bin Abdurahmon Kavkabiy va Jaʼfar Xuldiyning shogirdi. Abulhasan Bishr Sijziy, Shayx Amu, Abu Isʼhoq Ibrohim Shahriyor Koziruniy, Shayx Abulhusayn Sirvoniyi Sagʻir bilan suhbatda boʻlgan. Tasavvuf ahli tarixiga oid “Bahjat ul-asror” asarining muallifi.

Alisher Navoiy “Nasoyim ul-muhabbat”ga “Nafahot ul-uns”dan ushbu shayx bilan bogʻliq bobni qisqartirib kiritgan.