Agrokimyo xizmati

Agrokimyo xizmati — dehqonchilik va chorvachilikda oʻgʻitlar va boshqa kimyoviy vositalardan samara-li hamda oqilona foydalanish boʻyicha qishloq xoʻjaligi ga agrokimyo xizmati koʻrsatishning ilmiy-ishlab chiqarish tizimi. Oʻzbekistonda Agrokimyo xizmati MTSlarda agrokimyo laboratoriyalari tashkil etilishi (1931) bilan boshlangan. MTSlar tugatilganidan keyin (1958) Agrokimyo xizmati tuman qishloq xoʻjaligi inspeksiyalari, keyinchalik qishloq xoʻjaligi ishlab chiqarish boshqarmalari ix-tiyoridagi agrokimyo laboratoriyalari orqali olib borildi. Keyinchalik yagona davlat Agrokimyo xizmati tizimi tashkil etildi. 1992-yildan Oʻzbekistonda Agrokimyo xizmati koʻrsatish boʻyicha respublika ishlab chiqarishilmiy birlashmasi („Oʻzqishloqkimyo“) mustaqil ish boshladi (1994-yildan „Uzagrokimyoservis“ davlat-aksiyadorlik uyushmasi). Respublikada 1997-yildan qishloq xoʻjaligi ga mineral oʻgʻitlar, oʻsimliklarni himoya qilish vositalari, oʻsish stimulyatorlari, meliorantlar, mi-neral ozuqalar yetkazib berish bilan bogʻliq xizmatlarni „Oʻzkimyosanoat“ uyushmasi tarkibidagi „Oʻzagrokimyotaʼminot“ davlat-aksiyadorlik birlashmasi baja-radi. Oʻsimliklar kasalliklari va za-rarkunandalarini kuzatish, oʻrganish va protnozlash, oʻsimliklarni himoya qilish boʻyicha aholiga va qishloq xoʻjaligi korxo-nalariga xizmat koʻrsatish, chigirtkaga qarshi kurash tadbirlarini Respublika oʻsimliklarni himoya qilish va agroki-myoviy tadqiqotlar markazi amalga oshiradi.

Adabiyotlar

• OʻzME. Birinchi jild. Toshkent, 2000-yil