Ahmadjon Ibrahimov
Ahmadjon Ibrahimov (1902-yilda tugʻilgan — 1938-yil 5-oktyabrda vafot etgan) — Andijon shahri partiya kommiteti aʼzosi, Oziq-ovqat kommitetining Bogʻdod tumanidagi vakili, Qudash qishlog‘ida viloyat moliya bo‘limining moliyav agenti, Qoʻqon shahrida teriga ishlov beruvchilar uyushmasining raisi. Andijon shahrida okrug kasaba soyuzi raisi, Norin rayoni MTS direktori[1].
| Ahmadjon Ibrahimov | |
|---|---|
| Tavalludi |
1902-yil Qoʻqon shahri, Fargʻona viloyati, SSSR |
| Vafoti |
5-oktyabr 1938-yil Fargʻona viloyati, Oʻzbekiston SSR |
| Fuqaroligi |
 SSSR |
| Faoliyat yillari | 1921—1937-yillar |
Hayoti va taʼlimi
tahrirAhmadjon Ibrahimov 1902-yilda tugʻilgan Qoʻqon shahrida tavallud topgan. SSSR Oliy harbiy sudi sayyor majlisinig 1938-yil 5-oktyabr sanasidagi yig‘ilishida otishga mahkum qilingan[2].
U Qo‘qon shahri (Fargʻona viloyati)dagi 1-bosqichli islom maktabida tahsil olgan[3]. 1926-yil sentyabr—1927-yil noyabr oylarida Toshkentda VSSPS O‘rta Osiyo byurosida kursant sifatida taʼlim olgan.
Faoliyati
tahrirAhmadjon Ibrahimov 1928-yilning mart oyida Andijon shahar komsomol komiteti tomonidan partiya safiga qabul qilingan. 1921-yil oktyabr—1922-yilning fevral oylari oraligʻida Qo‘qon uyezdiga qarashli Yaypan qishlogʻi kasaba uyushmasida kotib sifatida faoliyat olib borgan. 1922-yil fevral—1923-yil iyun oylarida viloyat oziq-ovqat komitetining Bog‘dod tumanidagi vakili sifatida ishlagan[3].
1923-yil iyul—1924-yil yanvar orasida Qudash qishlog‘ida viloyat moliya bo‘limining agenti lavozimida mehnat qilgan. 1924-yilning fevral—dekabr oylari oraligʻida Qo‘qon shahri teriga ishlov beruvchilar uyushmasining raisi boʻlgan hamda 1924-yil dekabridan 1926-yil sentyabr oyigacha esa viloyat boʻyicha shu lavozimda faoliyat yuritgan[3].
1927-yil noyabr—1929-yil yanvar — Andijon shahrida okrug kasaba soyuzi raisi; 1930-yil sentyabr—1931-yil iyul — „O‘zbek savdo“ning Andijon shahridagi vakili; 1931-yil iyul—1933-yil mart — Yangiqo‘rg‘on tumani ijroiya komiteti raisining o‘rinbosari; 1933-yil mart—1934-yil fevral — Chust tumani ijroqo‘mitasi raisining o‘rinbosari. 1934-yil fevral—1936-yil maygacha huddi shu tumanda MTS direktori; 1936-yil iyun—1937-yil 18-may — Norin tumani MTS direktori kabi lavozimlarda ishlab kelgan[3].
Adabiyotlar
tahrir- Shamsutdinov, Rustambek. O‘zbekistonda sovetlarning qatag‘on siyosati va uning oqibatlari. Toshkent: "SHARQ" NASHRIYOT-MATBAA AKSIYADORLIK KOMPANIYASI, 2012 — 432-bet. ISBN 978-9943-00-481-8.
Manbalar
tahrir- ↑ O‘zR PDA. 58-fond, 65-ro‘yxat 284-ish.
- ↑ RF FXXMA. 7-fond, 1-ro‘yxat, 10-ish — 532-varaq-bet.
- ↑ 3,0 3,1 3,2 3,3 Shamsutdinov, Rustambek. O‘zbekistonda sovetlarning qatag‘on siyosati va uning oqibatlari. Toshkent: "SHARQ" NASHRIYOT-MATBAA AKSIYADORLIK KOMPANIYASI, 2012 — 432-bet. ISBN 978-9943-00-481-8.
Havolalar
tahrir
|
Bu maqolada boshqa til boʻlimlariga ishorat yoʻq. Siz ularni topib va ushbu maqolaga qoʻshib, loyihaga yordam berishingiz mumkin. |