Ajam (arab. عَجَم — arab emas) — arablardan boshqa Sharq xalqlarining umumiy nomi. Shuningdek, arablar yashaydigan Sharq mamlakatlari, xususan, Turon, Eron ham „Mulki ajam“ deb yuritilgan. Bu yerlardan yetishib chiqqan olimlar „ajamiy“ deb atalgan. Keyinchalik ajam nomi faqat eronliklarga nisbatan qoʻllanilgan, Eronni esa, Ajam yoxud Ajamiston deb ataganlar. 2) Oʻrta asr „oʻn ikki maqom“ tizimidagi shu’ba. Musiqa risolalarida A. Rahoviy maqomi, Bayoti A.- Navo maqomi, Navroʻzi A.- Hijoz maqomi shu’balari sifatida qayd etilgani maʼlum. 3) Oʻzbek, tojik, uygʻur va boshqa Sharq xalqlari mumtoz musiqa merosida mavjud cholgʻu va ashula asarlari. Jumladan, Shashmaqom turkumining Segoh maqomi cholgʻu boʻlimida Muham-masi A. qismi, ashula boʻlimida Navroʻzi A. shu’basi, Xorazm maqomlari turku-mining Segoh maqomi ashula boʻlimida Nasri A. shu’basi, shuningdek Toshkent — Fargʻona maqom yoʻllari qatorida Navroʻzi A. kuyi, toʻrt qismli A. va uning taronalari cholgʻu turkumi va boshqa [1]

Manbalar

tahrir
  1. OʻzME. Birinchi jild. Toshkent, 2000-yil