Ajamiy ibn Abubakr (12-asr 20-y.lari, Naxichevan — 13-asr boshi) — Ozarbayjon me’mori. Naxichevan me’morlik maktabi vakili. A. Yusuf ibn Qusayr maqbarasini (1161—62), Mu’mina xotun (Atobak) maqbarasini (1186), Naxichevandagi peshtoqlar bilan tutashtirilgan minoralarni qurgan. A.ning qurgan binolari mukammal qismlari mustaqil hal etilgan, bezaklari jozibali, A. binolari oʻrta asr Ozarbayjon me’morchiligida hamda Yaqin Sharq mamlakatlari me’morligi tarixida koʻzga koʻringan obidalardan boʻlib, shu xildagi binolar me’morligining rivojlanishiga katta ta’sir koʻrsatgan.

AdabiyotlarTahrirlash

  • OʻzME. Birinchi jild. Toshkent, 2000-yil.