Ali ardobus (Ibrohimov Ali Fayzullaxoʻjayevich) (1900.15.1, Qiziloʻrda – 1959.9.11, Toshkent) – raqqos va baletmeyster, ak-tyor, pedagog. Oʻzbekistonda (1944) va Qoraqalpogʻistonda (1943) xizmat koʻrsatgan artist. Qiziloʻrda ritmik gim-nastika studiyasini (1917), Xalq Maori-fi Komissarligi qoshidagi Toshkent te-atr studiyasining xoreografiya boʻlimini (1921) tugatgan. Yusufjon qiziq Shakar-jonov, Mahkam hofiz, Orif garmon Tosh-matov, Chervonxon, Oʻktamxon, Qumrixon kabilardan oʻzbek raqs harakatlarini oʻrgandi. 1918-yilning sentabrdan Toshkentdagi Mannon Uygʻur rahbarligidagi teatrda ishlay boshlaydi. A. koʻproq ba-let va raqs bilan shugʻullandi. 20-yillarda "Latifa", "Yallama yorim", "Qashqarcha", "Ufori Toshkent", "Gul oʻyin", "Zang oʻyin", "Qayroq oʻyin", "Doira oʻyin", "Afgʻoncha" kabi xalq raqslarini oʻzlashtirib, ularning sahna tu-rini yaratdi. A. Dushanba musiqa-teatr studiyasini (1929–30), "Togʻ burgutlari" raqs studiyasi va etnografik ansamblini (1930–33), Olmaota raqs studiyasini (1934), Uygʻur musiqali drama teatrini (1935), Oʻzbek filarmoniyasining ashula va raqs ansamblini (1937–41) tashkil etishda faol qatnashdi. 1943–45 yillarda Qoraqalpogʻistonda raqs studiyalari va ansambllar tashkil qilib, milliy xalq oʻyinlari asosida birinchi qoraqalpoq sah-na raqslarini yaratgan. Oʻzbekistonda teatr va raqs havaskorligini rivojlan-tirishga katta hissa qoʻshgan. Toshkent, Samarqand, Andijon, Namangan va boshqa shaharlarda havaskorlar toʻgaragi tash-kil qilgan. Sahnalashtirgan eng yaxshi raqslari: "Nogʻora", "Raqs" "Bayot" kabi yakka, "Uygʻurcha", "Qoraqalpoqcha", "Samarqandcha toʻy" (syuita), "Urgut beshqarsagi" va boshqa ommaviy raqslar.

AdabiyotlarTahrirlash

  • OʻzME. Birinchi jild. Toshkent, 2000-yil