Alisa Mon
Alisa Vladimirovna Mon (tugʻilgandagi ismi – Svetlana Vladimirovna Bezux; 1964-yil 15-avgust, Irkutsk viloyatining Slyudyanka shahrida tugʻilgan) – 1980-yillarning oxirida „Podorojnik“ qoʻshigʻini ijro etib mashhurlikka erishgan sovet va rossiyalik estrada xonandasi. Uning shuhratining ikkinchi toʻlqini 1997-yildagi „Almaz“ va 1998-yildagi „Stan moim“ xitlari bilan bogʻliq.
Alisa Mon Али́са Влади́мировна Мон | |
|---|---|
 | |
| Tavalludi |
Светлана Владимировна Безух 15-avgust 1964-yil |
| Janrlar | pop musiqa |
| Kasbi | qoʻshiqchi, bastakor |
| Faoliyat yillari | 1985-hozirgacha |
| Guruhlari | Labirint |
| Fuqaroligi |
 SSSR -  Rossiya |
| Veb-sayt | http://alisamon.com/ |
Hayoti
tahrir1964-yil 15-avgustda Irkutsk viloyatining Slyudyanka shahrida dunyoga kelgan.
Slyudyankadagi 4-maktabda taʼlim olgan. Oʻqishda yaxshi natijalarga erishgan, faol boʻlgan, maktab komsomol qoʻmitasi aʼzosi sifatida madaniy-ommaviy tadbirlarni olib borgan va tashkil etgan. Yaxshi kuylagan, oʻzi qoʻshiqlar yozgan, maktabda ansambl tuzgan, chexoslovakiyalik qoʻshiqchi Karel Gottning qoʻshiqlarini tinglashni yoqtirgan, Alla Pugachovaga taqlid qilib, uning qoʻshiqlarini ijro etgan.
1983-yilda Novosibirskdagi musiqa bilim yurtining estrada boʻlimiga oʻqishga kirdi. Novosibirsk restoranlarida qoʻshiqchi sifatida ishlab daromad topgan. 1985-yilda maktabning jaz orkestri solisti boʻldi. Keyinchalik oʻrta maʼlumot olmay taʼlim muassasasini tark etdi[1].
1986-yil yanvaridan 1989-yil dekabrigacha Novosibirsk davlat filarmoniyasi qoshidagi Sergey Muravyov rahbarligidagi „Labirint“ jamoasida ishladi, ayni paytda yakkaxon ijod bilan ham shugʻullandi.
U „Mona Liza“ soʻziga ohangdosh boʻlgan „Alisa Mon“ taxallusini qabul qildi. Bu taxallus keyinchalik qoʻshiqchining pasportdagi rasmiy ismiga aylandi[2].
1988-yilda „Vozmi moyo serdse“ nomli albomi chop etildi[3]. Unga Mixail Tanich soʻzlari bilan yozilgan „Podorojnik“ qoʻshigʻi ham kiritilgan boʻlib, u „Qoʻshiq-1988“ koʻrsatuvida ijro etilgach, xonandaning birinchi xitiga aylandi. Festival ijrochiga tomoshabinlar ehtiromi va butunittifoq miqyosidagi mashhurlikni keltirdi. 1980-yillar oxirida „Labirint“ guruhining birinchi katta gastrol safari amalga oshirildi.
1991-yilda Finlyandiyadagi „Midnight Sun“ tanlovida diplom sohibasi boʻldi, u yerda ikkita qoʻshiqni – birini fin tilida, ikkinchisini ingliz tilida ijro etdi. 1990-yillar boshida sahnani tark etib, Slyudyankaga qaytdi, soʻngra Irkutsk viloyatidagi Angarsk shahriga koʻchib oʻtdi va u yerda „Energetik“ madaniyat uyi badiiy rahbari lavozimida ishladi.
1993-yilda artistlik faoliyatini qayta boshladi. 1997-yilda mashhur „Almaz“ qoʻshigʻini yozib oldi va unga klip suratga oldi.
Hozirgi kunda qoʻshiqchi televideniyeda kamdan-kam koʻrinadi, asosan tungi klublar va restoranlarda chiqish qiladi. Moskvada istiqomat qiladi.
2020-yilda NTV telekanalida „Superstar! Qaytish“ shousida ishtirok etdi. 2-oʻrinni egalladi. 2021-yilda NTV telekanalida „Shoumaskgoon“ shousining ishtirokchisi boʻldi. 2022-yilda NTV telekanalidagi „Niqob“ shousining uchinchi mavsumi ikkinchi yarim finalida Mushukcha obrazida taklif etilgan mehmon sifatida qatnashdi.
Shaxsiy hayoti
tahrirIkki marta turmushga chiqqan.
Birinchi turmush oʻrtogʻi – Vasiliy Marinin – Labirint guruhining gitarachisi[4]
Ikkinchi turmush oʻrtogʻi – Sergey Muravyov – „Labirint“ guruhining bastakori va prodyuseri[5], „Porojnik“ qoʻshigʻiga musiqa yozgan. Oʻgʻli – Sergey (tugʻ. 1989-yil 14-noyabr) – tungi klublarda chiqish qiladi, blyuz chaladi, sheʼrlar yozadi.
Diskografiyasi
tahrir- 1988 – Vozmi moyo serdse // „Melodiya“[6]
- 1991 – Sogrey menya
- 1997 – Almaz // „Soyuz“
- 1998 – Den vdvoyom // „ORT-RYeKORDS“
- 2001 – Pogrusti so mnoy
- 2001 – Potansuy so mnoy
- 2005 – Moi lyubimie pesni[7][8].
Qoʻshiqlari
tahrir- Podorojnik
- Almaz
- Obeщayu
- Stan Moim
- Otzvenelo leto
- Kofe v postel
- Snejinka
- Jivaya voda
- Rozovie ochki
- Platok na pamyat podaril
Manbalar
tahrir- ↑ „Звезды на час. Куда пропали звезды 90-х? Девяностые (90-е) @Центральное Телевидение“. 2021-yil 17-yanvarda asl nusxadan arxivlangan. Qaraldi: 2021-yil 18-yanvar.
- ↑ телефонный справочник Москвы
- ↑ „Лабиринт — Возьми Моё Сердце (Vinyl, LP, Album, Repress) | Discogs“. 2021-yil 28-sentyabrda asl nusxadan arxivlangan. Qaraldi: 2022-yil 16-iyul.
- ↑ „Алиса Мон: краткая биография, фото и видео, личная жизнь“. 2018-yil 6-sentyabrda asl nusxadan arxivlangan. Qaraldi: 2016-yil 12-oktyabr.
- ↑ „ПРЕССА :: Алиса Мон“ (deadlink). 2009-yil 22-yanvarda asl nusxadan arxivlangan. Qaraldi: 2011-yil 10-avgust.
- ↑ „Лабиринт — Возьми Моё Сердце (Vinyl, LP, Album, Repress) | Discogs“. 2021-yil 28-sentyabrda asl nusxadan arxivlangan. Qaraldi: 2022-yil 16-iyul.
- ↑ „ПРЕССА :: Алиса Мон“ (deadlink). 2009-yil 22-yanvarda asl nusxadan arxivlangan. Qaraldi: 2011-yil 10-avgust.
- ↑ „Официальный сайт Алисы Мон“. 2017-yil 4-iyulda asl nusxadan arxivlangan. Qaraldi: 2011-yil 10-avgust.