Alternariozlar

Alternariozlar — oʻsimliklarning zamburugʻli kasalli-klari. Ekinlarda A.ni Alternaria tur-kumiga mansub zamburugʻlar qoʻzgʻatadi. Kasallangan oʻsimlik toʻqimalari ustida saprofit zamburugʻ — alternariya toʻq jigarrang duxobasimon dogʻ-gʻubor hosil qilib rivojlanadi. Dogʻlar doirasida toʻqimalar asta-sekin oʻladi. Don ekinlari, kartoshka, olma, karam, nok, rezavorlar va boshqalarga katta zarar yetkazadi. Gʻoʻzada uchraydigan A. chanoqlardagi pax-tani buzadi. Tola texnologik xususiyatlari-ni, chigit moydorlik va unuvchanligini yoʻqotadi. Oʻta namgarchilik, kuzning erta boshlanishi, hasharotlar (oʻsimlik bitlari, oʻrgimchakkana, koʻsak qurti) kasallikning tarqalishi va rivojlanishiga sabab boʻladi. Kurash choralari: oʻsimlik qoldiqlarini yigʻishtirib olish, kuzgi shudgorlash, urugʻlikni dorilash, vegeta-siya davrida oʻsimlikka fungitsidlardan sinebning 1,5%li suspenziyasini pur-kash (yana qarang Zamburugʻli kasalliklar).

Adabiyotlar

• OʻzME. Birinchi jild. Toshkent, 2000-yil