Amirxon Umarov

Amirxon Umarov (1995-yil 21-yanvar, Toshkent shahri, Oʻzbekiston) — taniqli boshlovchi, rejissyor, prodyuser, „Mening Yurtim“ telekanali ijrochi direktori, „Oltin qalam“ va „Oltin kabutar“ kabi mukofotlar sohibi va Oʻzbekistonda Turizm elchisi. U, shuningdek, Markaziy Osiyoning eng yaxshi teleboshlovchisi deb topilgan.

Amirxon Umarov
Umarov Amirxon Nasim oʻgʻli
Tavalludi	21-yanvar 1995-yil (1995-01-21) Toshkent
Fuqaroligi	Oʻzbekiston
Taʼlimi	Oʻzbekiston Jurnalistika va Ommaviy kommunikatsiyalar universiteti
Kasbi	boshlovchi rejissyor prodyuser
Mukofotlari	„Oltin qalam“ „Oltin kabutar“ „MY5 awards“ „Tahsin“ „Oʻzbekiston belgisi“ koʻkrak nishoni

Biografiyasi

Amirxon Umarov 1995-yil 21-yanvar kuni Toshkent shahrida tugʻilgan. Onasi Oʻzbekiston Milliy teleradio kompaniyasida rejissyor sifatida ish olib borgan. Otasi „Toshkent Oliy Umumqoʻshin qoʻmondonlik“ bilim yurti polkovnik lavozimida ishlagan^{[manba kerak]}. Umarov dastlab Toshkent shahridagi 227-maktabini, soʻngra Toshkent axborot texnologiyalari kasb-hunar kollejini bitirgan. Oliy taʼlimni „Oʻzbekiston Jurnalistika va Ommaviy kommunikatsiyalar universiteti“da olgan.

Faoliyati

Boshlovchilik ish faoliyati 12 yoshida Oʻzbekiston radio kanali FM103.1 „Kelajak tongi“ dasturida boshlovchilik qilishdan boshlangan. NTT telekanlida „Yangi avlod“ koʻrsatuvi boshlovchisi, Yoshlar telekanalida „Boʻlajak general“ koʻrsatuvi boshlovchisi, „Non-stop“ koʻrsatuvida, „Markaziy studiya“ koʻrsatuvida boshlovchilik qilgan. UNICEF bolalar jamgʻarmasi faol ishtirokchisi. „Mening Yurtim“ telekanali ijrochi direktori. 2021—2022-yillarda „Yosh jurnalistlar“ maktabi direktori.

Prodyuserlik

„Jiddiy bolalar“, „Qafasdagi goʻzallik“, „Muzqaymoq party“ tele loyihalar hamda „Qoʻlimdan tut“, „Poyga“ va „Gʻiybatchilar“ kabi seriallarda prodyuserlik qilgan^{[manba kerak]}.

„Chaqa-chum“ koʻrsatuvi va „Reportyor“ reality, „Amirxon Umarov tok-shousi“ va „Xizmat doirasidan tashqarida“ kabi shoular muallifi. „Reportyor“ reality shousi muallifi. Poytaxt FM103.5 radiokanalida „Yoshlar vaqti“ dasturining muallifi va boshlovchisi sifatida faoliyat olib borgan.

Ambassadorligi

„Booknomy“ kompaniyasi, „Sanmi Jenshen“ kompaniyasi, „Nutva kompleks“ mahsuloti, „Alfraganus“ universiteti, „Stroy-mart“ qurilish kompaniyasi va „Effect-herbals“ kabi kompaniyalarning ambassadori.

Mukofotlari

Amirxon Umarov „Oltin qalam“ milliy mukofoti. Markaziy Osiyoning eng yaxshi teleboshlovchisi, „Oltin kabutar“ mukofoti, „MY5 awards“ mukofoti, „Tahsin“ mukofoti, „Oʻzbekiston belgisi“ nishoni sohibi, „Yoshlar eʼtirofi mukofoti“ bilan taqdirlangan.

Tanqidlar

Amirxon Umarov 2021-yil Booknomy bilan bogʻliq mashmashaga aralashib qolgan. Ammo boshlovchi anglashmovchilik boʻlganini aytdi.

Havolalar

• Umarov Instagramda
• Amirxon Umarov Telegramda