Andreyevlar shirkati
Andreyevlar shirkati („Andreyevskoye tovarishestvo“) −19-asr oxiri — 20-asr boshlarida Oʻzbekiston iqtisodiyotida hukmron boʻlgan, ajnabiy va rus kapitalining qudratiga tayangan yirik aksiyadorlik jamiyati. Andreyevlar shirkatini 1912-yil Oʻzbekistondagi yirik sarmoyadorlar Rus-Osiyo banki ishtirokida tashkil etganlar. Bunga „Aka-uka Knoplar savdo uyi“ firmasi tashabbuskor boʻlgan. Andreyevlar shirkatining dastlabki asosiy kapitali 750 ming soʻm boʻlib, 1915-yilda 5 mln. soʻmga yetgan. Andreyevlar shirkati 1917-yil 31 paxta tozalash, 6 paxta yogʻi va sovun ishlab chiqarish zavodlariga egalik qilgan. Andreyevlar shirkati Rossiyadagi „Salomas“ aksiyadorlik jamiyatining faoliyatida qatnashgan. „Salomas“ning 20% aksiyasi 1917-yil Andreyevlar shirkati qoʻlida boʻlgan. Andreyevlar shirkati dehqonlar yetishtirgan paxtaning katta qismini arzon garovga xarid qilib, tolasini Rossiya va Polshaga sotar, chigitidan yogʻ va sovun tayyorlar edi. Andreyevlar shirkati 1918-yil mart — aprel oylarida Sovet hokimiyati tomonidan natsionalizatsiya qilingan.[1]
Manbalar
tahrir
Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
Bu andozani aniqrogʻiga almashtirish kerak. |