Andriy Melnichuk
Andrey Yaroslavovich Melnichuk (ukraincha: Андрій Ярославович Мельничук; 1978-yil 14-noyabrda tugʻilgan) — ukrainalik professional futbol menejeri va sobiq futbolchi.
| Shaxsiy maʼlumot | |||
|---|---|---|---|
| Toʻliq ismi | Andriy Yaroslavovych Melnychuk | ||
| Tavallud sanasi | 14-noyabr 1978-yil | ||
| Tavallud joyi | Chernivtsi, SSSR (hozirgi Ukraina) | ||
| Boʻyi | 1.90 m | ||
| Ampluasi | Darvozabon | ||
| Yoshligida aʼzo boʻlgan klublar | |||
| 1993–1997 | Lada Chernivtsi | ||
| 1997–1998 | Bukovyna Chernivtsi | ||
| Professional faoliyati* | |||
| Yillar | Jamoa | Isht. | (Gol.) |
| 1999 | Bukovyna Chernivtsi | 1 | (0) |
| 2001 | Oskil Kupyansk | 3 | (0) |
| 2001 | Sokil Zolochiv | 13 | (0) |
| 2002–2003 | Spartak Ivano-Frankivsk | 15 | (0) |
| 2002–2003 | → Spartak-2 Kalush | 26 | (0) |
| 2004–2005 | Spartak Sumy | 22 | (0) |
| 2005–2006 | Spartak Ivano-Frankivsk | 17 | (0) |
| 2006–2007 | Stal Dniprodzerzhynsk | 23 | (0) |
| 2007–2008 | Naftovyk-Ukrnafta Okhtyrka | 7 | (0) |
| 2008 | Komunalnyk Luhansk | 8 | (0) |
| Boshqargan klublari | |||
| 2016–2018 | Stal Kamianske (academy) | ||
| 2019 | Bukovyna Chernivtsi | ||
| 2020–2022 | Dovbush Chernivtsi (assistant) | ||
| 2022– | Bukovyna Chernivtsi | ||
| *Professional klublardagi gollari (ichki chempionat) | |||
Faoliyati
tahrirChernovtsi shahridagi oʻsmirlar oʻrta maktabida futbol oʻynashni boshlagan. Birinchi murabbiy Ihor Kalita, keyin Volodimir Nikitin[1] qoʻlida tahsil olgan. 15 yoshida mahalliy „Lada“ klubiga qoʻshilgan[2]. Keyinchalik Melnichuk Chernovtsining „Bukovina“ yoshlar jamoasida oʻynay boshladi. 1999-yilda „Bukovina“ning asosiy tarkibiga kiritildi va shu jamoa tarkibida bitta oʻyin oʻtkazdi. 2000-yil oʻrtalarida Kupyandan „Oskil“ ga oʻtib, bu klubda bir mavsumda uchta oʻyinda maydonga tushdi. 2001-yil oʻrtalarida u Zolochivning „Sokil“ jamoasiga oʻtdi va jamoada bir mavsumda 15 ta oʻyinda maydonga tushdi. 2002—2003-yilgi mavsumlarda u Ivano-Frankivskning „Spartak“ jamoasida va Kaluga „Spartak-2“ da oʻynadi.
2004-yilgi mavsum boshida murabbiy Bohdan Blavatskiy bilan mojaro tufayli Sumining „Spartak-Xorobina“ jamoasiga oʻtdi va bir yarim mavsumda 23 ta oʻyinda maydonga tushdi. Ammo Sumi klubidagi moliyaviy muammolar tufayli u 2005-yilning oʻrtalarida Ivano-Frankivskning „Spartak“ jamoasiga qaytdi va 2006-yilning oʻrtalariga qadar ushbu klubda oʻynadi. Shundan soʻng Melnichuk Dneprodzerjinskning „Stal“ jamoasiga koʻchib oʻtdi va ushbu klubda 25ta oʻyinda maydonga tushdi, mavsum yakunlangach, Oxtirning „Naftovik-Ukrnafta“ klubidan taklif oldi. Ukraina oliy ligasida 6ta oʻyin oʻtkazdi. 2007—2008-yilgi mavsumning ikkinchi yarmida u Luganskning „Komunalnik“ jamoasida oʻynadi. 2009—2010-yilgi mavsum boshlanishi arafasida u oʻz shahriga qaytdi.
2010-yil boshida Zarafshonning „Qizilqum“ jamoasi bilan shartnoma imzoladi. Andriy Melnichuk 2011-yilning oʻrtalariga qadar „Qizilqum“da toʻp surgan va shu vaqt ichida 33 ta oʻyinda maydonga tushgan. Shundan soʻng unga Samarqandning „Dinamo“ sidan taklif tushgan va shu klub bilan shartnoma imzolagandi. „Dinamo“ tarkibida Melnichuk jamoa yetakchilaridan biriga va asosiy darvozabonga aylandi.
Keyinchalik jamoa sardori boʻldi. 2015-yil oxirigacha Samarqandning „Dinamo“ jamoasida oʻynagan.
2016-yilda u FK „Stal Kamianske“ murabbiylar shtabiga qoʻshildi. 2019-yilda Melnichuk oʻz shahrining „Bukovina“ klubiga menejer etib tayinlandi. 2020—2022-yillarda u Chernovtsining „Dovbush“ sport klubini qayta tiklashga yordam berdi. 2022-yilda yana Bukovina boshqaruvchisi etib tayinlandi[3].
Yutuqlar
tahrir- Ukraina ikkinchi ligasi
- Chempion: 2002—2003-yillar (Lukor Kalush), 2007—2008-yillar (Komunalnik Lugansk), 2009—2010-yillar (Bukovina Chernivtsi)
Manbalar
tahrir- ↑ „«БУКОВИНА» ШУКАЄ НОВОГО ГОЛОВНОГО ТРЕНЕРА - Українська газета "ЧАС"“ (deadlink). 23 вересня 2015da asl nusxadan arxivlangan. Qaraldi: 28 січня 2018.
- ↑ „Андрій Мельничук: Завжди хотілося попрацювати з Шовковським“ (ru). ua-football.com. 30 серпня 2014da asl nusxadan arxivlangan. Qaraldi: 2014-yil 14-iyul.
- ↑ Andrіy Melnichuk ofіsіyno ocholiv Bukovinu. Sport Arena. 31 July 2022