Animalizm

Animalizm, zoolatriya (lot. animal — hayvon) — biror hayvonni ilohiylashtirish bilan bogʻliq boʻlgan eʼtiqod va tasavvurlar majmui. A.ning kelib chiqishi ovchilik eʼtiqodlariga (hayvonlar oʻlgandan keyin tirilishiga ishonish uning harakterli xususi-yatidir), totemizmta borib taqaladi. Qad. odamlar ovchilik bilan tirikchilik qilgan davrlarda oʻljani qoʻlga ki-ritish uchun ov oldidan hayvonlarni sehrlovchi turli marosimlar qilganlar (paleolit gʻorlaridagi rasmlar shundan darak beradi). Hayvonlarni eʼzozlash koʻp xalqlarda uchraydi. U odamning hayvondan kelib chiqqanligi haqidagi miflar (keyinroq u urgʻochi hayvonlar odamlar avlodini boqib tarbiyalagan, degan tasavvurlar shaklini ham ol-gan) da, u yoki bu hayvonni isteʼmol yoki ov qilishning man etilishida, bi-ron qabila, urugʻni hayvonlar nomi bilan atalishi va boshqalarda koʻrinadi. Shimoliy Osiyo va Shimoliy Amerikada ayiqning, Hindi-stonda sigirning, Avstraliyada ken-guruning muqaddas hisoblanishi A. qoldigʻidir.

Adabiyotlar

• OʻzME. Birinchi jild. Toshkent, 2000-yil