Antroposofiya (antropo ... va yun. sophia – donishmandlik) – xudo oʻrnida ilohiylashtirilgan odamga e’tiqod qilishni targʻib etuvchi ta’limot. 20-asr ma’naviy hayotida paydo boʻlgan bu ta’limotga nemis olimi R. Shteyner (1861 – 1925) asos soldi. Odamni ilohiylashtirgan A. uch olam: oliy – ruhiy, oʻrta – avstral (energiya), quyi – tabiiy (materiya) olam bor, deb qaraydi. 1913-yilda "Umumiy antroposofik ja-miyat" deb atalgan tashkilot tuzilgan. Bu jamiyatning turli mamlakatlarda 47 mingdan ziyod a’zosi boʻlgan. A. gʻoyalari soʻnggi paytlarda ped.da (Valdorf mak-tablari), san’atda (evritmiya), tibbiyotda (shu jumladan farmatsevtikada), qishloq xoʻjaligida namoyon boʻla boshladi.

AdabiyotlarTahrirlash

  • OʻzME. Birinchi jild. Toshkent, 2000-yil